USA ini han pinakagutiay nga nasud ha kalibotan, ngan nahimumutang ha Alps butnga han Switzerland ngan Austria. Ha sulod hin mga siglo na, nag-uukoy dinhi an mga Celt, Rhaetian, Romano, ngan Alemanni. Yana, mga 60 porsyento han populasyon dinhi an tikang ha tribo han Alemanni, tribo nga nag-ukoy dinhi mga 1,500 ka tuig na an naglabay.

Aleman an opisyal nga yinaknan han Liechtenstein, bisan kon an tagsa nga bungto iba an yinaknan. Duha han komon nga pagkaon ha Liechtenstein an Tüarka-Rebel, nga hinimo tikang ha mais, ngan an Käsknöpfle, pasta nga pagkaon nga damu an keso.

Makikita han mga turista dinhi hinin gutiay nga nasud an mga bukid nga napuputos hin niebe, damu an tanom nga mga walog, urubasan, ngan iba-iba nga tanom. Pananglitan, makikita dinhi an haros 50 nga klase hin ihalas nga orkid. May-ada gihap dinhi mga museo, teatro, ngan hirimoan hin bino. Salit ha katpaso man o ha kathagkot, ginbibisita ini han mga turista.

 Tikang pa ha dekada han 1920, may-ada na mga Saksi ni Jehova ha Liechtenstein. Yana, mga 90 nga Saksi an nagtututdo mahitungod han Biblia ha mga tuminungnong ngan ha mga turista.