“Bisan kon an COVID-19 diri na usa nga bug-os-kalibotan nga problema ha kahimsog, diri karuyag sidngon nga an COVID-19 diri na tarhog ha kahimsog han mga tawo ha bug-os nga kalibotan. . . . Kon umabot an sunod nga pandemya—ngan maabot ito—kinahanglan magin andam kita.”—Dr. Tedros Adhanom Ghebreyesus, director-general han World Health Organization, Mayo 22, 2023.

 Damu nga tawo an padayon nga nag-aantos han mga epekto ha ira pisikal ngan mental nga kahimsog tungod han COVID-19 nga pandemya. Andam ba an mga gobyerno ngan mga organisasyon nga nag-aataman ha kahimsog han mga tawo para ha sunod nga pandemya, ngan padayon la gihapon nga makakabulig ha aton mga problema ha kahimsog yana?

 An Biblia nagsusumat mahitungod han usa nga gobyerno nga magtatagana han aton ginkikinahanglan nga pag-ataman ha kahimsog. Nasiring ito nga “an Dios han langit mag-iestablisar hin ginhadian,” o gobyerno. (Daniel 2:44) Ha pagmando hito nga gobyerno, “waray residente nga masiring: ‘May sakit ako.’” (Isaias 33:24) An ngatanan magkakaada hin maopay nga kahimsog ngan kusog nga sugad hin batan-on.—Job 33:25.