Samtang nakanhi hi Jesus ha tuna, nagpakita hiya hin daku nga gugma ha mga tawo, ngan iya pa ngani iginhalad an iya kinabuhi para ha ira. (Mateo 20:28; Juan 15:13) Diri na mag-iiha, papamatud-an utro niya nga hinigugma niya an mga tawo pinaagi ha paggamit han iya awtoridad sugad nga Hadi han Ginhadian han Dios basi ‘paundangon an mga girra ha bug-os nga tuna.’—Salmo 46:9.

 Pansina kon paonan-o iginhuhulagway han Biblia an bubuhaton ni Jesus:

•   “Iya tatalwason an pobre nga nangangaraba para hin bulig, sugad man an ubos nga tawo ngan an bisan hin-o nga waray parabulig. Malolooy hiya ha ubos nga tawo ngan ha pobre, ngan an kinabuhi han mga pobre iya tatalwason. Iya tatalwason hira tikang ha panalumpigos ngan kamadarahog.”—Salmo 72:12-14.

 Paonan-o naton maipapakita an aton apresasyon ha ngatanan nga kan Jesus ginbuhat ngan bubuhaton pa para ha aton? Ha Lucas 22:19, ginsidngan ni Jesus an iya mga sumurunod nga hinumdoman an iya kamatayon. Salit kada tuig, ha anibersaryo han iya kamatayon, an mga Saksi ni Jehova nagkakatirok. Gin-iimbitar ka namon nga umupod ha amon ha pagsaurog han Memoryal han kamatayon ni Jesus ha Domingo, Marso 24, 2024.

Pamiling hin Memoryal