“Ne’e au ʼahiʼahi lau te Tohi-Tapu, ’o au lotovaivai ai ʼuhi ʼae ne’e loaloaga fau kia au.”​—Briana, 15.

ʼE ke logo’i koa te fa’ahi ʼaia? ’E feala ke tokoni atu te alatike ʼaeni.

•  He koe ’e tonu ke lau te Tohi-Tapu?

•  Kotea ke au fai mo’o lau te Tohi-Tapu?

•  ʼAnatou Manatu

’I ta’u manatu ʼae ke ke lau te Tohi-Tapu ne’e ke lotovaivai koa? Kapau koia, ʼe lagi kia koe, ’e lahi fa’u te Tohi-Tapu he ko ʼona pasina ’e 1 000 ne’e tohi mata liliki pea mole ʼi ai hona ’u pāki. ʼE mole maʼuhiga age ia ʼi he foʼi televisio pe’e ko te ’u ʼata viteo.

Fakakaukau’i age te faʼahi ʼaeni: Kapau ne’e ke ma’u he foʼi puha aulo kua ʼafeā. ’E mole ke fia iloʼi koa la pe ’e kotea ʼae ’e fafa’o ’i loto?

’E fakatatau te Tohi-Tapu ki he foʼi puha aulo. ’E ma’u ai te poto ʼae ka tokoni atu anai koe

• Ke ke to’o he ’u tonu ’e fakapotopoto

• Ke ke felogoi lelei mo ʼau matuʼā

• Ke ke ma’u hou kaumeʼa lelei

• Ke ke tokaga ki te lotohoha

He koʼe ko te Tohi kua ʼafeā kae kei ʼaoga kia koe ’i te temi nei? Koteʼuhi “ko meʼa fuli ʼae ʼe tohi ʼi te ʼu Tohi Taputapu ʼe haʼu ia mai te ʼAtua.” (2 Timoteo 3:16) Ko tona faka’uhiga ko te ’u tokoni ae ’e ma’u ’i te Tohi-Tapu ’e haʼu mai te Matapuna lelei pe ’e tahi.

ʼUluaki, lau te Tohi-Tapu mai te kamata ki te faka’osi. ʼE ke ma’u ai he manatu lelei. ʼE lahi te ’u puleʼaki mo’o lau te Tohi-Tapu. Koʼeni pule’aki ’e lua:

•  Ko tohi ’e 66 ’i te Tohi-Tapu, pea ’e feala tau lau mai ia Senesi kia Fakaha.

•  Pea ka ke lau te Tohi-Tapu ’e ke lau ’o mulimuli pe ki te ’u alu’aga ʼae ne’e hoko.

Tokoni: ʼE fakaha ʼi te kaupepa Tokoni Ki Te Ako ʼo Te Folafola ʼa Te ʼAtua ʼi te 4-A te ’u aluʼaga maʼuhiga ne’e hoko ’i te maʼuli ’o Sesu ’i tona maʼuli ’i te kele.

Lua, filifili he hisitolia Fakatohi-tapu, ’e palalau ki te ’u fihifihia ne’e ke felave’i mo ia. Ohage la:

• ’E ke fia ma’u koa he ’u kaumeʼa ’e ke falala ki ai? Lau te fakamatala ’o Sonatane mo Tavite. (1 Samuele, kapite 18-20) ʼOsi ʼaia, faka’aogaʼi te “ Comment se faire des amis fidèles ? ” pea ke taʼofi mai leva he ’u ako ’e lelei mai te fakamatala ʼaia.

• ʼE ke lotomalohi koa ’o tekeʼi te ’u fakahala? Ka ke lau te hisitolia ’o Sosefo pea ke mahino ai pe ne’e feafeaʼi tana tekeʼi te fakahala. (Senesi, kapite 39) ʼOsi ʼaia, fakaʼaogaʼi te fiches de réflexion “ Comment résister à la tentation ? Joseph —1 partie ” pea “Accusé à tort ! Joseph —2 partie ” pea ke taʼofi mai he ’u ako mai te fakamatala ʼaia.

• ʼE ke fia ilo’i koa pe ’e tokoni feafea’i atu te faikole? Lau te hisitolia ’o Neemia. (Neemia, kapite 2) ʼOsi ʼaia, faka’aogaʼi te fiches de réflexion “ Dieu a répondu à sa prière ” pea ke taʼofi mai he ’u ako mai te fakamatala ʼaia.

Tokoni: Ka ke lau te Tohi-Tapu, kumi he fa’ahi ’e lavaki ’e faigafua ai tau metitasio.

Tolu, filifili he fakamatala Fakatohi-tapu pe’e ko he pesalemo pea ke lau, ʼosi ʼaia, fakakaukau’i pe ’e ke maʼuli’i feafea’i te fakamatala. ʼI tau ʼosi lau, fai kia koe te ’u fehuʼi ʼaeni:

•  He koʼe ne’e loto e Sehova ke ma’u te fakamatala ʼaia ’i te Tohi-Tapu?

•  Kotea ’e au ako mai te ʼuluagaaga ’o te ʼAtua pea mo ʼana gaue?

•  Pea ’e feafea’i taku maʼuli’i?

Tokoni: Fai hau fakatu’utu’u. Tohi te ʼaho ʼae ’e ke kamata ai tau lau te Tohi-Tapu ’o ke faka’aogaʼi te polokalama ʼae ’e tu’u ’i tatatou pasina ’i te neti.