ʼE ui fenei ia Will: “Kapau mole lelei kia kita te lau ’o te Tohi-Tapu, pea ’e hage ko he puli temi.”

’E ke fia iloʼi koa he ’u tokoni ke ke fia lau ai te Tohi-Tapu? ’E feala ke tokoni atu te alatike ʼaeni.

•  Faiga ke maʼuli tau lau te Tohi-Tapu

•  Fai hau ’u fekumi ke loloto

•  ʼAnatou manatu

Faiga ke loloto tau lautohi. Faka’aogaʼi te puleʼaki ʼaeni:

1. Filifili he hisitolia Fakatohi-tapu ’e ke fia ako. Filifili he aluʼaga pe’e ko he kapite ’i te Tohi-Tapu. Pe’e ke filifili he fakamatala Fakatohi-tapu, pe’e ko he ’u ʼata viteo ’e mau ’i te neti jw.org.

2. Lau te hisitolia. ʼE feala tau lau tokotahi, pe’e ke lau leʼo lahi fakatahi mo hou ’u kaumeʼa pe’e ko tou famili. ’E feala ki he tahi ke ina fakamatala pea ko ʼihi ʼe natou gao’i te hisitolia.

3. ʼAhiʼahi’i muʼa te ’u faʼifaʼitaki ʼaeni:

   • Fai ni pāki mo’o fakamahino te hisitolia. Pe’e ke fakamatala ʼaki ni ’u pāki mo’o fakamahino te ’u aluʼaga kehekehe ne’e hoko. Hilifaki atu ki ai ni fakamahino ’e ina fakaha te ’u aluʼaga takitahi ne’e hoko.

   • Fai he ’u mape. Ohage la, ka ke lau he hisitolia ’o he kaugana agatonu ke ke fakapipiki ’ona kalitate pea mo ʼana gaue ki te ’u tapuakina ʼae ne’e ina maʼu.

   • Fakakaukauʼi mo kapau la neʼe hoko te aluʼaga ʼaia ʼi totatou temi. Fakamatala te hisitolia pea mo ke fakakaukauʼi ia aluʼaga kehekehe pea mo fai ni “fakafehuʼi” kia natou ʼae neʼe gaoʼi pea mo natou ʼae neʼe mamata ki ai.

   • Kapau ʼe ʼi ai he tahi ne’e ina to’o he tonu ’e kovi, fakakaukauʼi koe he tahi aluʼaga ʼe lelei age. Ohage la, ko te fakafisi ʼa Petelo kia Sesu. (Maleko 14:66-72) Kotea te aluʼaga neʼe feala ke fai e Petelo?

   • Kapau ʼe ke leleiʼia te faitohi, fakamatala he hisitolia neʼe ke toʼo mai te Tohi-Tapu. Fai he fakamatala ʼe maʼu ai he ʼu ako ke feala hamatou taʼofi.​—Loma 15:4.

Kapau ʼe ke sivisivi lelei te ʼu koga kehekehe ʼo he fakamatala, ʼe ke mau ai anai he ʼu koloa maʼuhiga. Ohage la, ko he kupu ’e tahi pe’e lua ’o he fakamatala ’e lahi te ’u ako ’e ke maʼu mai ai.

Ohage la, vakaʼi ia Mateo 28:7 mo Maleko 16:7

•  He koʼe ne’e ui e Maleko ’e ha anai ia Sesu ki ʼana tisipulo “pea mo Petelo”?

• Fakamo’oni: Ne’e mole sio ia Maleko ki te ʼu aluʼaga ʼaia ʼae ne’e hoko, lagi ko Petelo ʼae ne’e ina ui age ki ai.

• Te koloa maʼuhiga: He koʼe ne’e fiafia ia Petelo, ʼi tana iloʼi ʼae ne’e fia felaveʼi ia Sesu pea mo ia? (Maleko 14:66-72) Ne’e liliu feafea’i ia Sesu ko he kaumeʼa mo’oni ʼo Petelo? ’E feafea’i hau faʼifaʼitaki’i ia Sesu pea mo kaumeʼa lelei mo ʼihi?

Kapau ’e ke faiga ke maʼuli te ’u hisitolia Fakatohi-tapu, pea fai hau ’u fekumi ke loloto, ’e lahi anai tou fiafia ’i tau lau te Tohi-Tapu.