TE TULE LE’O (NUSIPEPA AKO) Malesio 2020
ʼE maʼu ʼi te nusipepa ʼaeni te ʼu alatike ako ʼo te ʼaho 4-31 ʼo Maio 2020.
Ko Tou ʼOfa Mo Tau Lotofakafetaʼi Kia Sehova ʼe Ina Uga Koe Ki Te Papitema
Ko tou ʼofa kia Sehova ʼe feala ke uga koe ki te papitema. Kae kotea ʼae ʼe feala ke ina taʼofi koe?
Kua Ke Tokalelei Koa Ki Te Papitema?
Ko ʼau tali ki te ʼu fehuʼi ʼo te alatike ʼaeni ʼe tokoni atu anai ke ke lava fai he tonu.
TONATOU MAʼULI
“Koʼeni Maua! Fekauʼi Maua!”
ʼE fakamahino e Jack mo Marie-Line pe ʼe kotea ʼae neʼe ina uga naua ke nā pionie pea kotea ʼae neʼe tokoni kia naua ke nā fakafaigafua pe te ʼu fetogi ʼi te ʼu fenua kehekehe ʼae neʼe hinoʼi naua ki ai.
Ko Te Temi Totonu Fea Ke Kita Palalau Ai?
Tou tokagaʼi te ʼu faʼifaʼitaki Fakatohi-tapu ʼe tokoni mai anai ke tou iloʼi te temi ʼae ʼe tonu ke tou palalau ai peʼe tonu ke tou fakalogologo ai.
Ke Kotou Feʼofamamahiʼaki
Neʼe ui e Sesu ko te ʼofa ʼe ko te fakailoga ʼaia ʼo te kau Kilisitiano moʼoni. ʼE tokoni feafeaʼi mai te ʼofa ke tou kumi te tokalelei, ke mole tou fakapalatahi pea ke tou tali kaiga?
Kua Kotou Iloʼi Koa?
Kotea la he tahi ʼu fakamoʼoni neʼe maʼuli popula te kau Iselaele ʼi Esipito, ʼo hilifaki ki te fakamatala ʼi te Tohi-Tapu?
Te ʼu Fehuʼi ʼa Te Kau Lautohi
Neʼe ko ai te kau tagata leʼo Sutea ʼo te fale lotu? Neʼe kotea tanatou gaue?