FEHUʼI 10
Kotea Te Fakapapau ʼa Te Tohi-Tapu ʼo ʼUhiga Mo Te Ka Haʼu?
“ ʼE maʼu anai e te kau faitotonu te kele pea ʼe natou maʼuʼuli ai anai ʼo heʼe gata.”
“ ʼE tuʼu pe te kele ia ʼo talu ai.”
“ ʼE ina pulihi anai te mate ʼo talu ai. ʼE holoholoʼi anai e te Tuʼi ʼAliki ko Sehova te ʼu loʼimata ʼi te ʼu fofoga fuli.”
“ ʼI te temi ʼaia, ʼe ava anai te ʼu mata ʼo te kau kivi mo te ʼu taliga ʼo te kau tuli. ʼI te temi ʼaia, ʼe hopohopo fakafiafia anai te ketu ohage ko te tia, pea ʼe kalaga fakafiafia anai te ʼalelo mate. ʼE mapuna ake anai ni vai mai te toafa, mo ni vai tafe mai te potu toafa.”
“ ʼE ina holoholoʼi anai te ʼu loʼimata fuli mai ʼonatou mata, ʼe mole toe ʼi ai anai te mate, mo te putu, mo te lauga pea mo te mamahi. Ko te ʼu meʼa ʼafeā kua puli ia.”
“ ʼE natou laga anai ni ʼapi mo natou nofoʼi, ʼe natou to anai ni gaueʼaga vite mo natou kai ʼona fua. ʼE mole natou laga anai ke nofoʼi e he tahi kehe, ʼe mole natou to anai ke kai e niʼihi kehe. ʼE lahi anai te ʼu ʼaho ʼo taku hahaʼi ohage ko te ʼu ʼaho ʼo he fuʼu ʼakau, pea ʼe maʼu katoa anai e natou ʼae neʼe au filifili te ʼu fua ʼo ʼanatou gaue.”
