Pesalemo 100:1-5
Ko he pesalemo ʼo te fakafetaʼi.
100 Kotou kalaga fakafiafia fuli kia Sehova, hahaʼi ʼo te kele!+
2 Kotou tauhi fakafiafia kia Sehova.+
Kotou ʼomai ki ʼona muʼa mo ni kalaga fakafiafia.
3 Ke kotou iloʼi ʼe ʼAtua ia Sehova.+
Ko ia ʼae neʼe ina fakatupu tatou pea ko tatou ʼe ʼaʼana.*+
Ko tatou ko tana hahaʼi mo tana faga ovi ʼae ʼe ina fafaga.+
4 Kotou ulu ʼi ʼona matapa mo ni fakafetaʼi,+Pea ʼi ʼona malaʼe mo ni fakavikiviki.+
Kotou fakafetaʼi kia te ia pea kotou vikiʼi tona huafa.+
5 ʼE agalelei ia Sehova.+ʼE ina fakaha tona ʼofa agatonu ʼo talu ai,Pea mo tana agatonu mai he taʼiake ki he tahi taʼiake.+
Nota
^ Peʼe lagi “kae ʼe mole ko tatou.”
