Pesalemo 66:1-20
Ki te pule ʼo te kau faimaholo. Ko he pesalemo mo he hiva.
66 Hahaʼi fuli ʼo te kele, kotou kalaga fakafiafia ki te ʼAtua!+
2 Kotou vikiʼi ʼaki ni hiva* tona huafa ʼae ʼe fonu ʼi te kololia.
Kotou fakakololiaʼi pea mo vikiʼi ia ia.+
3 Kotou ui ki te ʼAtua: “ ʼE fakaofoofo ʼaupito ʼau gaue!+
ʼE laupisiʼi anai koe e ʼou filiʼUhi ko tou mafimafi.+
4 ʼE tulolo anai ʼi ʼou muʼa te hahaʼi fuli ʼo te kele.+ʼE natou hiva atu anai ni fakavikiviki.ʼE natou vikiʼi anai tou huafa ʼaki ni hiva.”+ (Sela)
5 Kotou ʼomai ʼo mamata ki te ʼu gaue ʼa te ʼAtua.
ʼE fakaofoofo ʼana gaue ʼo ʼuhiga mo te ʼu foha ʼo te tagata.+
6 Neʼe ina fakaliliu te tai ko he kele moamoa.+Neʼe natou fakalaka lalo ʼi te vai tafe.+
Neʼe matou fakafiafia ai ʼo ʼuhiga mo ia.+
7 ʼE pule ʼo talu ai+ ʼuhi ko tona mafimafi.
ʼE ina lamalama te ʼu puleʼaga.+
ʼE mole tonu ke fia maʼoluga te kau uigataʼa.+ (Sela)
8 ʼU puleʼaga, kotou fakavikiviki ki tomatou ʼAtua,+Kotou fakavikiviki leʼo lahi kia te ia.
9 ʼE ina taupau tomatou maʼuli,+ʼE mole ina tuku ke matou tukia.+
10 ʼAtua e, neʼe ke sivisivi matou,+Neʼe ke fakamaʼa matou ohage ko te fakamaʼa ʼo te siliva.
11 Neʼe ke puke matou ʼi tou kupega.Neʼe ke hili kia matou* he kavega mamafa.
12 Neʼe ke fakagafua ke malamalaki matou e te tagata.Neʼe matou fakalaka ʼi te afi mo te vai.Pea neʼe ke taki matou ki he koga meʼa ʼe matou fimalie ai.
13 ʼE au ulu anai ki tou fale mo ni holokoseta.+ʼE au fakahoko anai te ʼu fakapapau ʼae neʼe au fai atu,+
14 ʼAe neʼe fai e ʼoku laugutu+ʼEi, ko te ʼu fakapapau ʼae neʼe puʼaki e toku gutu ʼi toku temi mamahi.
15 ʼE au momoli atu anai he ʼu manu ʼe sino lelei ko hoku ʼu holokosetaPea mo te kohu ʼo te ʼu ovi tagata ʼae neʼe momoli.
ʼE au momoli anai ni vitulo mo ni tao tagata. (Sela)
16 Kotou ʼomai ʼo fakalogo, ia koutou fuli ʼae ʼe manavasiʼi ki te ʼAtua,Pea ʼe au fakamatala atu anai te meʼa ʼae neʼe ina fai maʼaku.+
17 Neʼe au pauʼi kia te iaPea neʼe au fakakololiaʼi ia ia.
18 Ka na pau la neʼe au taupau he meʼa ʼe kovi ʼi toku loto,Neʼe mole fakalogo mai ia Sehova.+
19 Kae neʼe fagono mai te ʼAtua,+ʼO ina tokagaʼi taku faikole.+
20 Ke vikiʼi te ʼAtua, ʼae neʼe ina tali taku faikolePea neʼe mole ina fakafisi mai kia au tona ʼofa agatonu.
