Pesalemo 99:1-9
99 Kua Hau ia Sehova.+ Ke tekelili te hahaʼi!
ʼE ʼafio ʼi te ʼu fuga* kelupimi.+ Ke galulu te kele!
2 ʼE lahi ia Sehova ʼi Sione,Pea ʼe maʼoluga age ʼi te hahaʼi fuli.+
3 Ke natou vikiʼi tou huafa lahi,+Koteʼuhi ʼe fakamanavahe mo taputapu.
4 Ko te ʼAtua ʼe ko he hau mafimafi ʼe ina leleiʼia te faitotonu.+
Neʼe ke fakatuʼu malohi te meʼa ʼae ʼe totonu.
Neʼe ke fakahoko ʼi Sakopo te faitotonu mo te aga fakahagatonu.+
5 Kotou fakakololiaʼi ia Sehova, tomatou ʼAtua,+ pea kotou tulolo* ia muʼa ʼo tona hiliʼaga vaʼe.+ʼE maʼoniʼoni tomatou ʼAtua.+
6 Neʼe kau ia Moisese mo Alone ʼi tana kau pelepitelo,+Pea neʼe kau ia Samuele ia natou ʼae neʼe natou fetapa ki tona huafa.+
Neʼe natou pauʼi kia Sehova,Pea neʼe ina tali age kia natou.+
7 Neʼe palalau kia natou mai te ʼao.+
Neʼe natou mulimuli ki ʼana fakamanatu pea mo te ʼu lekula ʼae neʼe ina foaki age.+
8 Sehova e, tomatou ʼAtua, neʼe ke tali age kia natou.+
Neʼe ke fakamolemole ʼanatou hala,+Kae neʼe ke fakatuʼā natou ʼuhi ko ʼanatou aga ʼae ʼe kovi.+
9 Kotou fakakololiaʼi ia Sehova, tomatou ʼAtua,+Pea kotou tulolo* ia muʼa ʼo tona moʼuga taputapu,+He ʼe maʼoniʼoni ia Sehova, tomatou ʼAtua.+
