ROMNHORÉ 07
E niha Jeová.
E niha te ĩrotsaꞌra Jeová ãma hã. E te ãma ĩrotsaꞌra ĩtsiptete uptabi na hã, tane nherẽ romhö na atsiti ĩhöimana na hã watsi norĩ ne hã höiwa ãma. E niwamhã te ĩrotsaꞌra Jeová taré ĩtsiptetedzém na hã tãirãrã ne hã duré ĩpẽꞌẽdzé õ na hã. E niha Jeová tô tsena. Bíblia te wama rowatsuꞌu dzaꞌra marĩ ĩwẽ norĩ Ropotoꞌwa höimanadzém na hã. Te duré rowahutu Ropotoꞌwa aiꞌãma ĩpẽꞌẽdzé na hã.
1. E marĩ wa, wa te ꞌmadöꞌö waihuꞌu dzaꞌra õ di Ropotoꞌwa.
Ropotoꞌwai mreme te tinha João 4:24 ãma: “Dapotoꞌwa hã Ĩhöiba Tsãmriꞌõ.” (RTN) Jeová höiba wahöiba nei õ di. Õ hã ĩhöiba tsãmriꞌõ höiwa ãma ꞌre ĩhöimana mono hã. Taha wa, wa te ꞌmadöꞌö waihuꞌu dzaꞌra õ di.
2. E niha Jeová höimanadzé.
Wa te ꞌmadöꞌö waihuꞌu dzaꞌra õ di Jeová. Tane nherẽ, wa te ãma waihuꞌu dzaꞌra wamhã wa dza uptsibi me dzaꞌra ni õ hã niꞌwa ĩꞌuptabi na hã duré ĩhöimanadzé ĩwẽ uptabi na hã. Ropotoꞌwai mreme te tinha Jeová ‘ĩꞌuwaibaba na tsi te te dama ꞌre ĩꞌarowairébé mono dzém na hã’ duré tinhibꞌaꞌuwẽ te te ĩrẽme õ na. (Salmo 119:75; 1 Samuel 12:22). ‘Uburé Danhibꞌapito hã daꞌãma ꞌre pẽꞌẽdzé petse mono di, duré daꞌãma tsiba petse di.’ (Tiago 5:11) Tawamhã te daꞌãma aiba, danhipai u te te ĩrobdzépata dzaꞌra norĩ ãma. Jeová ‘duré robdzei ãna ꞌre ĩtsiꞌubumroi mono norĩ ꞌratamhã, te dza ꞌröwi ꞌre höimana. Te dza duré te te ꞌre anhoꞌreptu, ĩpẽꞌẽ ꞌre rowẽ dzô tiwi tsô ꞌre ĩrobaba dzaꞌra mono norĩ hã.’ (Salmo 34:18) Duré wa te ĩꞌmanharĩ dzaꞌra dzém na hã Jeová robdze na niwamhã robdzeiꞌõ na te dza tihöiba. E niha. Niꞌwa marĩ ĩwatsédé te te ꞌmanharĩ wamhã Jeová ma robdzei õ di. (Salmo 78:40, 41) Tane nherẽ, tãma robdze ti niꞌwa ĩwẽ te te ꞌmanharĩ wamhã. — Tsõré na Provérbios 27:11.
3. E niha Jeová te höiꞌré tãma ĩwadzawi dzaꞌra na hã.
Marĩ danhipai u ĩpire Jeová höimanadzéb ꞌremhã dadzawi hã. Ropotoꞌwai mreme dzarina, ‘ꞌRe ĩhöimana uꞌötsi mono hã tsimidzawi petse uptabi di.’ (1 João 4:8) Wa te ꞌmadöꞌö waihuꞌu petse dzaꞌra di Jeová nhimidzawidzé Ĩmreme na wa te ĩtsõré dzaꞌra dzém na hã duré ĩtsimiropoto na hã. (Tsõré na Atos 14:17.) Ãma ĩtsimiré, ãma rotsaꞌrata te te ĩwaꞌmanharĩ dzaꞌra dzém na hã. Jeová ma tô wama tsõmri dzaꞌra rowabdza mono wa te ꞌmadöꞌö dze dzaꞌra da, danhoꞌre wa te wapari dze dzaꞌra da duré datsa ĩtsei uptabi ãma watsaihuri da. Õ hã te tsima wẽ petse wa te watsima ꞌre robdze dzaꞌra mono da.
WAIHUꞌU DURÉ
Te dza ĩꞌuptsibi me e marĩ na Jeová te te ꞌre ꞌmanharĩ marĩ datobꞌudzudzém norĩ. Te dza ĩwaihu duré e niha Jeová te höiꞌré tihöimana wẽ dzé.
4. Ropotoꞌwa pẽꞌẽdzani ĩtsiptetedzé hã
Wa romhuri dzaꞌra ni wanhibꞌrata na. Jeová bété, e marĩ na te romhu. Jeová te romhu Tipẽꞌẽdzani na, niwamhã Ĩhöiba uptabi Ĩpetse na. Niꞌwam norĩ te rotsaꞌrata dzaꞌra Ropotoꞌwa pẽꞌẽdzani hã tô Ropotoꞌwa na hã. Tane nherẽ Bíblia te tinha Ropotoꞌwa pẽꞌẽdzani hã ĩtsiptetedzém na hã. Taha na, Jeová te te ꞌre ꞌmanharĩ mono te te tsima ĩwẽ dzé hã. Atsiré tsõré aba Lucas 11:13 duré Atos 2:17. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:
-
Tawamhã, Bíblia dzarina Ropotoꞌwa te dza ‘te te dama ꞌre anhomri’ Tipẽꞌẽdzani hã te te tiwi ĩwaptẽrẽ dzaꞌra norĩ ma hã. Aima hã, e Ropotoꞌwa pẽꞌẽdzani tô Ropotoꞌwa. E ĩtsiptetedzé hã. E marĩ wa ãne te ĩrotsaꞌra.
Jeová Tipẽꞌẽdzani na te te ꞌre ꞌmanharĩ marĩ datobꞌudzudzém norĩ. Atsiré tsõré aba Salmo 104:30 duré 2 Pedro 1:20, 21. Taha parimhã atsima robdzanhamri aba ãhã dadzadanharĩ ãma piꞌrebamhã:
-
E marĩ Jeová ma tô ꞌmanha Tipẽꞌẽdzani na.
5. Jeová höimanadzé wẽ uptabi di
Moisés Ropotoꞌwai ma tsimiꞌẽ na oto te te romhuri nherẽ, ma tô tsima wẽ te te ãma waihuꞌu petse da. Taha wa, Moisés te tinha Jeová ma: ‘ꞌRe ĩrowaꞌõtõ mono dzé hã ĩ̱ma watsuꞌu na, te aiwaihuꞌu petse da.’ (Êxodo 33:13) Tawamhã, Jeová ma tô tsiwatsuꞌu tihöimanadzém na hã Moisés ma. Atsiré tsõré aba Êxodo 34:4-6. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:
-
E marĩ ĩwẽ tihöimanadzém na hã Jeová ma tô tsiwatsuꞌu Moisés ma.
-
E marĩ aima danhipai u wẽ di Jeová höimanadzém na hã.
6. Jeová te daꞌãma tipẽꞌẽdzé
Hebreu norĩ, Ropotoꞌwa nhibꞌaꞌuwẽ norĩ duréihã, ma tô te te ꞌre romhuri pire dzaꞌra pawaꞌöbö ãna Egito ãma. E niha Jeová te tihöiba te te ꞌmadöꞌö wamhã tinhibꞌaꞌuwẽ norĩ te te ĩrobdzépata dzaꞌra dzé hã. Wapari aba DAMREME TÉDÉ Ropotoꞌwai mreme na ꞌmadöꞌö aba tsina, niwamhã õne haré tsõré aba Êxodo 3:1-10. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:
-
E niha Jeová te tihöiba te te ꞌmadöꞌö wamhã da te ĩrobdzépata dzaꞌra dzé hã. — ꞌMadöꞌö ĩtsihötö ꞌrare 7 duré 8.
-
Aima hã, e Jeová tô tsena te tsima wẽ te te dapawaptob da. E te te dapawapto waihuꞌu petse di tô. E marĩ wa ãne te ĩrotsaꞌra.
7. Wa waihuꞌu dzaꞌra ni Jeová höimanadzé hã ĩtsimiropoto na hã
Tsada hã wa te waihuꞌu dzaꞌra da Jeová höimanadzé ĩtsimiropodo hã wa te ꞌmadöꞌö dzaꞌra wamhã. ꞌMadöꞌö aba ĨROPODO. Taha parimhã, atsiré tsõré aba Romanos 1:20 duré atsima robdzanhamri aba ãhã dadzadanharĩ ãma piꞌrebamhã:
-
E marĩ ĩwẽ Jeová höimanadzém na ꞌmadöꞌö waihuꞌu petse di ĩtsimiropoto na.
NIꞌWAM NORĨ TE NHARĨ DZAꞌRA ÃNE: “Ropotoꞌwa watsinei õ di. Õ hã ĩtsiptetedzé ropö ĩhöimana ne hã.”
-
E ãne duré te ĩrotsaꞌra.
-
E marĩ wa ãne te ĩrotsaꞌra.
ĨWAIHUꞌUDZÉ HÃ
Jeová ĩhöiba tsãmriꞌõ. Taha wa, wa te ꞌmadöꞌö waihuꞌu dzaꞌra õ di. Marĩ ĩwẽ ahö di ĩhöimanadzém na hã, duré danhipai u ĩpire hã dadzawi.
Ãma aipoꞌre puꞌu
-
E marĩ wa, wa te ꞌmadöꞌö waihuꞌu dzaꞌra õ di Jeová.
-
E marĩ Ropotoꞌwa pẽꞌẽdzani.
-
E marĩ ĩwẽ norĩ Jeová höimanadzém na hã.
TSÔ AIRĨTĨ DURÉ
Maparane tsiꞌuiwana danhipai u ĩpire Jeová höimanadzém na hã. Ãma romnhoré dzaꞌra na ãhã ĩtsihötödzém na hã.
ꞌMadöꞌö e marĩ wa Jeová ropö höimana õ di.
“Ropotoꞌwa e ropö te tihöiba tô bötö na.” (Ĩtsihötödzé jw.org na)
ꞌMadöꞌö e marĩ wa Bíblia te tinha Ropotoꞌwa pẽꞌẽdzani ĩtsibꞌrata ne na hã.
Julio tobꞌa di. Tãma pire di aré te te tsadze da Ropotoꞌwai ma ĩtsawi petse na. ꞌMadöꞌö e marĩ wa Julio ma tô ãma tsaprĩ tinhimirotsaꞌrata na.
“Ãhãna hã wa tsadze te ĩdapawapto waihuꞌu petse na hã” (Roꞌmadöꞌöꞌwa, 1.º outubro na, 2015 na)
