Salmu 4:1-8
Davihi nhoꞌre
4 ꞌRe ihâimana uꞌâsi mono, ĩꞌwawi ꞌre iꞌaimapa mono, maꞌãpé te ãma iꞌaiꞌmahârâzém na we ĩzadaꞌâbâ!Ropire na ĩhâimanazém na, we ĩpawapto na.Duré ĩꞌãma aiwamri wamhã, maꞌãpé ãma aima ĩmremezé hã wapari!
2 Aibâ dama aipire aba norĩ, e niwa te za ĩꞌãma iwasété zaꞌra waꞌaba zém na hã ãma irosahâri zaꞌra waꞌwa.Duré e momo te za marĩre tarére hã ꞌre isawi waibui waꞌaba mono zé hã iꞌrãsutu zaꞌra waꞌwa. E niwa te za duré senaiꞌõ zarina ꞌre iꞌanomro aba mono zém na hã ãma irosahâri zaꞌra waꞌwa.
3 Maꞌãpé ãma ꞌre aipoꞌre puꞌu uꞌâsi zaꞌra waꞌaba mono, Uburé Danhibꞌapito, ꞌrâwi te te sina ꞌre iꞌumnhasi zaꞌra mono hã aimawi na te te ꞌre iꞌmadâꞌâ wẽ zaꞌra mono na.Wa hã, Uburé Danhibꞌapito wi, te ꞌre rowaptẽrẽ mono wamhã, te tô te te ꞌre ĩwapari, tãma ꞌre ĩmreme mono zém na hã.
4 Nimahã na asitiꞌru zaꞌra waꞌaba wamhã, maꞌãpé taha zarina ꞌre aiwasété zaꞌra waꞌaba mono tõ.Duré asiwaprosi asimiwaptâ ãma ariꞌiwi pese ꞌre asimiꞌwara aba mono wamhã, te za asimirosaꞌrata na ꞌrâwi ꞌre asiꞌmadâꞌâ zaꞌra waꞌaba mo.
5 ꞌRe ihâimana uꞌâsi mono nhimipisutuzéb zarina si te za asimizama zata na tãma ꞌre asõprub zaꞌra waꞌaba mo.Te za duré õhõ si asina ꞌre iꞌumnhasi zaꞌra waꞌaba mo.
6 Daꞌahâ uptabi na te ãne ꞌre damreme zusi:“E ꞌwa hã te za iwẽ hã te te wama ꞌre anhomri. Tahawa, Uburé Danhibꞌapito, maꞌãpé iwẽ hã waꞌãma ꞌre aꞌmadâꞌâ mono.”
7 Ĩpẽꞌẽ ꞌre, rowẽ isaꞌẽne ĩma isẽrẽ hã saꞌẽtẽ uptabi di,mram na rowẽ te, saꞌẽtẽ na da te dasima ãma ꞌre iromhuꞌu zaꞌra mono norĩ nhipai u.
8 ꞌRe ĩzaꞌwari mono wa, ĩma rowẽ sina wa ꞌre ĩnhotõ.E marĩ wa. Uburé Danhibꞌapito, a hã ĩsima iwẽ na ꞌre ĩhâimana mono zéb da hã, ĩma sõmri wa.
