ATSIMIDZAꞌRETSE! Ĩtsõrédzé 1, 2022 na | E marĩ tsada hã ꞌmanharĩ da — Ropire Ropö Wamhã
Tiꞌai mono bö rowatsété mono wa, waꞌahö na wa robdzépata dzaꞌra ni ropipa na, tã ĩtsaꞌẽtẽ ne, niwamhã unhama ne duré ropipa danhimiꞌmanharĩ na. E marĩ tsada hã ꞌmanharĩ da atsiꞌmadöꞌö petse da duré aima ĩtsawi petse norĩ ꞌmadöꞌö petse dzaꞌra da. Te dza ĩwaihu ãhã ĩtsõrédzém na.
E marĩ tsada hã ꞌmanharĩ da — Ropire ropö wamhã
Ropire watobro wamhã, waptu na aihöimana atsiꞌmadöꞌö petse da duré aima ĩtsawi petse norĩ aꞌmadöꞌö petse dzaꞌra da.
1 | Aihöiba ꞌmadöꞌö wẽ na
Aihödzé wi atsiꞌmadöꞌö wamhã, danhipai u wapu di dza aima ropire höimana wamhã.
2 | Ate robꞌruipradzé atsimidzaꞌretse na uprotsi
Ate robꞌuipradzé atsimidzaꞌretse na uprotsi wamhã, aima danhipai u wapu di dza ropire ropö watobro wamhã.
3 | Atsiꞌmadöꞌö aima ĩtsawi petse norĩ nhiti aihöimana tõ da
ꞌMadöꞌö roti ĩwẽ norĩ hã aimro, atsiwaihuꞌu norĩ duré aiꞌra norĩ nhiti aihöimana tõ da
4 | Marĩ ĩwẽ dzô atsimipari
Bíblia te wapawaptob dzaꞌra ropire wadzô watobro wamhã duré marĩ ĩwẽ na te ropitsutu aptoꞌoré wab da.
Ãhã ĩtsõrédzém na.
Tsõré na ĩtsihötödzé mono te te ĩꞌaipawapto duré ate família ropire ropö höimana nherẽ rowẽ na aihöimana dzaꞌra waꞌaba da.
