IMizekeliso 5:1-23
5 Nyana wam, buve ubulumko bam.
Kumamelisise* ukuqonda kwam,+
2 Ukuze ukhusele amandla akho okucingaUze ugcine ulwazi emilebeni yakho.+
3 Kuba imilebe yomfazi oziphethe kakubi* imnandi njengobusi,+
Nomlomo wakhe uthambe ngaphezu kweoli.+
4 Kodwa ekugqibeleni ukrakra okomhlonyane+Futhi ubukhali okwekrele elibukhali macala.+
5 Iinyawo zakhe zikhokelela ekufeni.
Ukunyathela kwakhe kusa ngqo engcwabeni.*
6 Akayikhathalelanga nganto indlela yobomi.
Indlela yakhe ibhadulela esithubeni.
7 Bonyana bam, ndimameleniNize ningayinikeli mva le nto ndiyithethayo.
8 Hambela kude kuye,Ungasondeli nakumnyango wendlu yakhe,+
9 Ukuze singalahleki isidima sakho kwabanye,+Ungavuni neminyaka yentlungu;+
10 Ukuze abasemzini bangabusengi ubutyebi bakho,*+Nezinto ozisebenzele nzima zingayi endlini yowasemzini.
11 Ukuba awenzi njalo, uza kuba sentlungwini ekupheleni kobomi bakhoXa inyama nomzimba wakho ziguga+
12 Uze uthi wena: “Ndlela le bendikucaphukela ngayo ukuqeqeshwa!
Ndlela le intliziyo yam ibisonyanya ngayo isohlwayo!
13 Andikhange ndibamamele abo bebendifundisaNdingakhange ndibahoye ootitshala bam.
14 Sele ndiza kuhlazeka ngokupheleleyoPhambi kwalo lonke ibandla.”+
15 Sela amanzi kwelakho iqula,Namanzi aqukuqelayo* kowakho umthombo.+
16 Kutheni le nto kufuneka amanzi akho achithakele ngaphandle,Imisinga yakho yamanzi kwiindawo zikawonke-wonke?+
17 Mayibe yeyakho wedwa,Ingabi yeyakho nabantu basemzini.+
18 Makusikeleleke owakho umthombo,Wonwabe nomfazi wobutsha bakho,+
19 Ixhamakazi elinothando, ibhokhwe yasezintabeni entle kunene.+
Amabele akhe mawakwanelise* ngalo lonke ixesha.
Uhlale uyotywa luthando lwakhe.+
20 Ngoko ke nyana wam, kutheni umele uthabatheke ngumfazi ongakwazi kuziphatha,*Okanye usondeze isifuba somfazi oziphethe kakubi?*+
21 Kuba uYehova uzijongile iindlela zomntu;Uhlolisisa zonke iindlela zakhe.+
22 Umntu ongalunganga urhintyelwa zizono zakhe,Ibe uza kubotshwa ziintambo zesono sakhe.+
23 Kuza kumbulala ukungafuni kwakhe ingqeqesho,Aphume endleleni ngenxa yokuqatsela kobudenge bakhe.
Umbhalo osemazantsi
^ Ngokoqobo, “Kuvulele indlebe.”
^ Funda Ingcaciso Yamagama.
^ Okanye “bangawasengi amandla akho.”
^ Okanye “aqabulayo.”
^ Okanye “mawakuyobe.”
