IiNdumiso 1:1-6

  • Iindlela ezimbini ezahlukeneyo

    • Wonwabile umntu ofunda ilizwi likaThixo (2)

    • Ulilungisa njengomthi ovelisa isiqhamo (3)

    • Abenzi-bubi banjengomququ ophetshethwa ngumoya (4)

1  Wonwabile umntu ongahambiyo ngecebiso labenzi-bubiNongemiyo endleleni yaboni+Nongahlaliyo esihlalweni sabathetha ukusa.+  2  Kodwa othanda umthetho kaYehova,+Nofunda umthetho wakhe ngelizwi eliphantsi* imini nobusuku.+  3  Uza kuba njengomthi otyalwe ngakwimisinga yamanzi,Umthi ovelisa isiqhamo ngexesha laso,Onamagqabi angabuniyo. Yaye yonke into ayenzayo iza kuphumelela.+  4  Abakho njalo ke bona abenzi-bubi;Banjengomququ ophetshethwa ngumoya.  5  Yiloo nto abenzi-bubi bengazukusinda xa kugwetywa;+Naboni bengazukuma kwibandla lamalungisa.+  6  Kuba uYehova uyayazi indlela yamalungisa,+Kodwa indlela yabenzi-bubi iza kutshabalala.+

Umbhalo osemazantsi

^ Okanye “Nowetyisa umthetho wakhe.”
INGUQULELO YEHLABATHI ELITSHA YEZIBHALO EZINGCWELE
INdumiso 1
IsiXhosa
Funda IBhayibhile Kwi-intanethi
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg