IiNdumiso 114:1-8

  • Ukukhutshwa kwamaSirayeli eYiputa

    • Ulwandle lwabaleka (5)

    • Iintaba zadloba-dloba okweenkunzi zeegusha (6)

    • Ilitye lenyengane lajika laba yimithombo yamanzi (8)

114  Xa uSirayeli waphuma eYiputa,+Indlu kaYakobi isimka ebantwini abathetha ulwimi lwasemzini,  2  UYuda waba yindawo yakhe engcwele,USirayeli wayindawo alawula kuyo.+  3  Ulwandle lwayibona lwaza lwabaleka;+NeYordan yabuya umva.+  4  Iintaba zadloba okweenkunzi zeegusha,+Neenduli okwamatakane eegusha.  5  Wawubaleka ntoni, wena lulwandlendini?+ Wajikela ntoni, wena Yordan?+  6  Yintoni eyayinenza nidloba-dlobe okweenkunzi zeegusha, nina zintaba,Nani zinduli, okwamatakane eegusha?  7  Ngcangcazela wena mhlaba, ngenxa yeNkosi,Ngenxa kaThixo kaYakobi,+  8  Ojika iliwa libe lichibi lamanzi elineengcongolo,Ilitye lenyengane libe yimithombo yamanzi.+

Umbhalo osemazantsi

INGUQULELO YEHLABATHI ELITSHA YEZIBHALO EZINGCWELE
INdumiso 114
IsiXhosa
Funda IBhayibhile Kwi-intanethi
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg