IiNdumiso 29:1-11
Ingoma emnandi kaDavide.
29 Mzukiseni uYehova, nina bonyana bamakroti,Mzukiseni uYehova ngenxa yozuko namandla akhe.+
2 Mnikeni uYehova uzuko olufanele igama lakhe.
Qubudani kuYehova* ninxibe iimpahla zenu ezingcwele.*
3 Ilizwi likaYehova livakala phezu kwamanzi;UThixo ozukileyo utsho kududume.+
UYehova uphezu kwamanzi amaninzi.+
4 Ilizwi likaYehova linamandla;+Ilizwi likaYehova liyamangalisa.
5 Ilizwi likaYehova laphula imithi yomsedare;UYehova ude aphule imithi yomsedare yaseLebhanon.+
6 Uyenza iLebhanon* ixhuma-xhume njengethole,NeSiriyon+ ixhuma-xhume okwethole lenkunzi yenkomo yasendle.
7 Ilizwi likaYehova litshabalalisa ngamadangatye omlilo;+
8 Ilizwi likaYehova liyitsho ityhwatyhwe intlango;+UYehova uyenza ityhwatyhwe intlango yaseKadeshe.+
9 Ilizwi likaYehova lingcangcazelisa ixhamakazi litsho lizale,Liwahlube abe ze amahlathi.+
Bonke etempileni yakhe bathi: “Luzuko!”
10 UYehova uyibeke phezu kwezikhukula zamanzi*+ itrone yakhe;UYehova nguKumkani ohleli etroneni ngonaphakade.+
11 UYehova uza kubanika amandla abantu bakhe.+
UYehova uza kubasikelela ngoxolo abantu bakhe.+
Umbhalo osemazantsi
^ Okanye “Khonzani uYehova.”
^ Okanye kusenokwenzeka, “ngenxa yobukhulu bobungcwele bakhe.”
^ Kubonakala ukuba, le yimimandla yeentaba zaseLebhanon.
^ Okanye “kolwandlekazi lwasezulwini.”
