IiNdumiso 49:1-20
Kumalathisi. Eyoonyana bakaKora.+ Ingoma emnandi.
49 Yivani oku, nonke zizwana.
Bekani indlebe, nonke bemi bomhlaba,*
2 Nina bancinci nani bakhulu,*Nina zityebi nani mahlwempu.
3 Umlomo wam uza kuthetha izinto zobulumko,Neengcinga zentliziyo yam+ ziza kuba zezokuqonda.
4 Ndiza kumamelisisa xa kuthethwa ngemizekeliso;Ndiza kuzichaza izafobe zam ngohadi.
5 Kutheni ndifanele ndoyike ngamaxesha obubi,+Xa ndingqongwe yinkohlakalo yabo* bafuna ukundibhukuqa?
6 Abo bathembele ngobutyebi babo+Nabaqhayisa ngobutyebi babo obuninzi,+
7 Akukho namnye kubo onokumkhulula umntakwaboOkanye onokumhlawulela kuThixo,+
8 (Ixabiso lokuhlawulela ubomi babo lixhomeKangangokuba abanakuze balifikelele);
9 Ukuze aphile ngonaphakade angaliboni ingcwaba.+
10 Uyabona ukuba kwanezilumko ziyafa;Izidenge nabangasebenzisi ngqondo baza kutshabalala kunye,+Babushiyele abanye ubutyebi babo.+
11 Banqwenela ukuba izindlu zabo zihlale ngonaphakade,Nokuba iintente zabo zihlale ukusuka kwesinye isizukulwana ukuya kwesinye.
Imihlaba yabo bayibiza ngamagama abo.
12 Kodwa umntu, nangona ehlonitshwa, akazukuhlala ephila;+Akakho ngcono kunamarhamncwa atshabalalayo.+
13 Leyo ke yindlela yabo bazizidenge+Nabo babalandelayo, abawathandayo amazwi abo angancedi nganto. (Selah)
14 Baza kuya engcwabeni* njengeegusha.
Ukufa kuza kubalusa;Amalungisa aza kubalawula+ kwakusasa.
Baza kutshabalala kungasali nomkhondo lo wabo;+Ikhaya labo liza kuba lingcwaba,*+ alizukuba yindlu kakumkani.+
15 Kodwa mna, uThixo uza kundikhulula emandleni* engcwaba,*+Kuba uza kunditsala andikhuphe. (Selah)
16 Sukoyika xa ubona umntu esiba sisityebi,Xa uzuko lwendlu yakhe lusanda,
17 Kuba xa esifa akukho nto anokuhamba nayo;+Uzuko lwakhe aluzukuhamba naye.+
18 Kuba xa ebesaphila ebeqhayisa.+
(Abantu bayakuncoma xa uphumelela.)+
19 Kodwa ekugqibeleni wehlelwa sesookhokho bakhe.
Abasoze baphinde bakubone ukukhanya.
20 Umntu ongayiqondiyo le nto, nangona ehlonitshwa,+Akakho ngcono kunamarhamncwa atshabalalayo.
Umbhalo osemazantsi
^ Okanye “beli hlabathi.”
^ Ngokoqobo, “Nina bonyana boluntu nani bonyana babantu.”
^ Ngokoqobo, “sisiphoso sabo.”
^ Funda Ingcaciso Yamagama.
^ Funda Ingcaciso Yamagama.
^ Ngokoqobo, “esandleni.”
^ Funda Ingcaciso Yamagama.
