IiNdumiso 55:1-23
Kumalathisi; mayidlalwe ngemirhubhe. IMaskili.* EkaDavide.
55 Owu Thixo, wumamele umthandazo wam,+Sukundifulathela xa ndikucela ukuba undenzele inceba.*+
2 Ndimamele uze undiphendule.+
Andizinzanga ngenxa yeenkathazo,+Yaye ndibindekile
3 Ngenxa yezinto ezithethwa lutshaba lwamNokucinezelwa ngumenzi-bubi.
Kuba bafumba inkxwaleko phezu kwam,Yaye ngomsindo bandifukamela inzondo.+
4 Intliziyo yam ibuhlungu ngeyona ndlela,+Yaye ndiyangcungcutheka ngenxa yokoyika ukufa.+
5 Nditsho ndangcangcazela kukoyika,Nokunkwantya kuyandirhwaqelisa.
6 Ndihlala ndisithi: “Akwaba bendinamaphiko njengehobe!
Bendiza kubhabha ndiye endaweni ekhuselekileyo.
7 Jonga! Bendiza kuntinga ndiye kwindawo ekude,+
Ndiye kuhlala entlango.+ (Selah)
8 Bendiza kubaleka ndiye kwindawo ekhuselekileyo,Kude nesivuthuvuthu somoya, nesaqhwithi esibhudlayo.”
9 Owu yhini Yehova, benze babhideke, liphanzise icebo labo,*+Kuba ndibone ubundlobongela neengxwabangxwaba esixekweni.
10 Imini nobusuku bajikeleza iindonga zaso;Kugcwele nje ukunyemba nenkathazo kuso.+
11 Sigcwele intlekele;Kwindawo yaso kawonke-wonke abantu bahlala becinezelwa yaye beqhathwa.+
12 Kaloku, ayilotshaba olundinxwalayo;+Kuba lona bendinokulunyamezela.
Ayilotshaba olundijikeleyo;Kuba lona bendinokuluzimela.
13 Kodwa nguwe, umntu ofana nam,*+Umhlobo wam endimazi kakuhle.+
14 Sasikade singabahlobo abasenyongweni;Sasikade sihamba sonke siligquba ukuya endlini kaThixo.
15 Kwanga iintshaba zam zingatshabalala!+
Mazingene engcwabeni* ziphila;Kuba zisoloko ziceba ukwenza izinto ezimbi.
16 Mna ke, ndiza kukhalela kuThixo,Yaye uYehova uza kundisindisa.+
17 Ngokuhlwa, kusasa nasemini ndibhuqwa ziintlungu,*+Ibe uyaliva ilizwi lam.+
18 Uza kundisindisa* aze andiphumze kwabo balwa nam,Kuba baninzi abo bandihlaselayo.+
19 UThixo uza kuva aze abaphendule,+Lowo wayehleli etroneni ukususela kudala.+ (Selah)
Abazukufuna ukuguquka,Abo bangakhange bamoyike uThixo.+
20 Usuke* wahlasela abo bebeseluxolweni naye;+Wasaphula isivumelwano asenzileyo.+
21 Amazwi aphuma emlonyeni wakhe atyibilika ngaphezu kwebhotolo,+Kodwa intliziyo yakhe igcwele ingxabano.
Amazwi akhe athambe ngaphezu kweoli,Kodwa angamakrele arholiweyo.+
22 Wuphosele kuYehova umthwalo wakho,+Yena uza kukuxhasa.+
Soze avumele ilungisa liwe.*+
23 Kodwa wena Thixo, uza kubehlisela kowona mngxuma usezantsi.+
Abantu abanetyala legazi nabaqhathayo baza kufa besebatsha.+
Kodwa mna, ndiza kuthembela kuwe.
Umbhalo osemazantsi
^ Funda Ingcaciso Yamagama.
^ Okanye “Sukuzifihla xa ndithandazela uncedo.”
^ Ngokoqobo, “ludube ulwimi lwabo.”
^ Okanye “okwizinga lam.”
^ Funda Ingcaciso Yamagama.
^ Okanye “andizinzanga.”
^ Ngokoqobo, “kundihlawulela.”
^ Oko kukuthi, lowo ebekade engumhlobo wakhe okwivesi 13 no-14.
^ Okanye “ligxadazele; lihambe nzima.”
