Bancedwa Bakwazi Ukufunda Nokubhala
“Ukufunda lilungelo lomntu wonke, kusisixhobo esiphucula ubomi nolwalamano lwabantu.”—I-UNESCO. *
IINGXELO zibonisa ukuba ngabantu abangaphezu kwezigidi eziyi-700 emhlabeni wonke, abakwiminyaka eyi-15 nangaphezulu abangakwaziyo ukufunda nokubhala. Ngenxa yoko, baphoswa yintabalala yolwazi naziimfundiso zeBhayibhile ‘ezabhalelwa ukuyalela thina,’ ezisinceda sikwazi ukuziphatha size sibe nobuhlobo noThixo. (Roma 15:4) Ukuze alwe nale ngxaki, amaNgqina kaYehova akumazwe amaninzi aye afundisa abantu ukufunda nokubhala mahala xa efunda nabo iBhayibhile. Ngaba aye aphumelela?
Khawucinge nje ngamaNgqina kaYehova aseMexico, apho uninzi lwabantu luthetha iSpanish. Ukususela ngo-1946 amaNgqina alapho aye afundisa abantu abangaphezu kwe-152 000 ukufunda nokubhala, ibe abanye kubo baba ngootitshala. Aye anconywa gqitha amaNgqina ngurhulumente ngenxa yalo msebenzi. Kwenye ileta kwathiwa: “Isebe Lezemfundo libamba ngazibini kwinkxaso eniye nanayo kwiNkqubo Yokufundiswa Kwabantu Abadala.”
Le nkqubo iye yanceda abantu abadala nabasebatsha. Ngokomzekelo, uJosefina wayeneminyaka eyi-101 xa wayeqala ukufunda, ibe waphumelela emva kweminyaka emibini!
Nangona iSpanish silelona lwimi luthethwa kakhulu eMexico, ayisiso sodwa esifundiswayo. Ngo-2013 abantu abathetha iilwimi zomthonyama ezisibhozo baye bafundiswa ukufunda nokubhala ngeelwimi zabo.
Ukukwazi ukufunda nokubhala kusinika ithuba lokufunda izinto ezininzi ezintsha. Eyona ibalulekileyo kuzo zonke kukuba, kunceda abantu bazo zonke iintlobo bakwazi ukufunda iBhayibhile eyincwadi ebhalwe nguThixo esikhulula kwiinkolelo nakwiimfundiso ezibubuxoki zecawa nakwimikhwa eyenzakalisayo.—Yohane 8:32.
^ isiqe. 2 I-United Nations Educational, Scientific, and Cultural Organization.
Mhlawumbi Ungayithanda Nale
UKUNCEDA ABANTU
Amawaka Abantu Afunda Ukulesa Nokubhala
Funda amava abantu abasehlabathini lonke abaye bazuza kwiiklasi zokufunda ukulesa nokubhala ezilungiselelwe ngamaNgqina kaYehova.
UMSEBENZI WOKUPAPASHA
IBhayibhile Emalunga Neemitha Ezimbini
Khawubone ukuba iiBhayibhile zeBraille ziguqulelwa njani ngeelwimi ezininzi.
IBHAYIBHILE IYABUTSHINTSHA UBOMI BABANTU
“Ndandinemibuzo Emininzi”
Yintoni eyanceda uMario, owayengumfundisi ukuba aqiniseke ukuba amaNgqina KaYehova afundisa inyaniso ngeBhayibhile?
IZINTO ZETHU ZAKUDALA
Ukunceda Abantu Bakwazi Ukubhala Nokufunda
Amagosa akumazwe ahlukeneyo aye awancoma amaNgqina KaYehova ngomsebenzi wawo wokufundisa abanye ukubhala nokufunda.
II-DOCUMENTARY
AmaNgqina KaYehova—Ashumayela Iindaba Ezilungileyo Ngolungelelwano
AmaNgqina kaYehova ayaziwa ngomsebenzi wawo wokufundisa iBhayibhile ehlabathini lonke. Umsebenzi wawo wenziwa njani ibe ivela phi imali yokuwenza?
