Ukoyisa Ikhethe
AmaNgqina kaYehova akholelwa kwelokuba zonke iintlanga ziyalingana emehlweni kaThixo. (IZenzo 10:34, 35) Esebenzisa iimfundiso zeBhayibhile, azama ukunceda abantu ukuze boyise kwanelona khethe lendeleyo.
Ukongezelela, awaxhasi nawuphi na umbutho okhuthaza ikhethe okanye intiyo yobuhlanga. Ngokomzekelo, ebudeni bolawulo lwamaNazi, amaNgqina kaYehova aseJamani nakwamanye amazwe ala ukuxhasa iphulo likaHitler lekhethe. Amakhulu abantu abulawa ngenxa yokungavumi ukuxhasa eli phulo.
Ngo-1994, amaNgqina awazange akhuthaze amalungu awo aseRwanda ukuba abe nenxaxheba ekubulaweni kwabantu ngenxa yobuhlanga. Amanye abeka ubomi bawo esichengeni, amanye ade afa ngenxa yokukhusela abo babefunwa baze babulawe.
Kuba enomnqweno wokunceda bonke abantu, aye enza aza asasaza uncwadi lweBhayibhile ngeelwimi ezimalunga ne-600. Ngenxa yoko, amabandla awo amkela bonke abantu ‘abaphuma kuzo zonke iintlanga nezizwe nezizwana neelwimi.’—ISityhilelo 7:9.
Mhlawumbi Ungayithanda Nale
IMBONISELO
Luza Kuphela Nini Ucalucalulo Emhlabeni?
Imizekelo yokoqobo ibonisa indlela iBhayibhile ebanceda ngayo abantu beyeke ukuba nocalucalulo. Luya kupheliswa nini ngokupheleleyo?
IMBONISELO
Ngaba Uyazithemba Iinkonzo Kumba Weemfazwe?
UYesu wafundisa abalandeli bakhe ukuba bathande ummelwane. Ngaba iinkonzo ziyawenza loo myalelo namhlanje?
IMBONISELO
“Imbali Ayixoki”
NgoAprili 1, 1951, amakhulu-khulu amaNgqina kaYehova ase-Estonia agxothelwa eSiberia. Kwakutheni?
EZISEMATHENI
URichard Rudolph, Owayevalelwe Kwiinkampu Zoxinaniso, Uswelekele EJamani Ena-102
URichard Rudolph liNgqina elanyamezela iminyaka engaphezu kweyi-19 lithothoza ezintolongweni zamaNazi nezamaKomanisi ngenxa yeenkolelo zakhe.
IMBONISELO
Ndandibulwa Ngokwam Ubungendawo Nogonyamelo
UAntoine Touma wayeyincutshe yeKung fu, kodwa watshintshwa ngamazwi akweyoku-1 kuTimoti 4:8.