Icandelo leSandi linezandi ezahlukahlukeneyo, liquka umculo, iidrama nemidlalo yeBhayibhile erekhodiweyo.

(Phawula: Indlela yokusebenzisa iRoku 3 ibonisiwe apha. Isixhobo sakho sokudlala iTV sisenokwahluka kancinci.)

Khetha iSandi kwiphepha lokuqala leJW Broadcasting ukuze ubone izandi ezahlukahlukeneyo ezikhoyo. Landela le ndlela iboniswe ngezantsi ukuze ufumane uze umamele iinkqubo zesandi:

•  Mamela Inkqubo YeSandi

•  Mamela iZandi Ezahlukahlukeneyo

•  Oko unokukwenza kwisandi osimameleyo

Sebenzisa imigca ekhombayo kwisixhobo sakho sokusebenzisa iRoku ukuze uye nakweyiphi na indawo kwiphepha leZandi. Iinkcukacha ezikhoyo zibonisa inkqubo okuyo nexesha elithathayo xa idlala.

• Imigca ekhombe Phezulu naleyo ikhombe Ezantsi: Yiya kwezinye izandi ezahlukahlukeneyo. Umxholo weenkqubo ezahlukahlukeneyo uvela phezu kwesangqa.

• Imigca ekhombe Ekhohlo naleyo ikhombe Ekunene: Yehla uphinde wenyuke kwinkqubo yesandi.

Icebiso: Ngentla kwicala elingasekunene kuvela inani leenkqubo zezandi ezikhoyo ibe kuvela nenkqubo okuyo ngelo xesha.

Cofa kwindawo ethi OK ukuze ukhethe leyo uyifunayo uze uyifake kwisixhobo sakho. Khetha enye yezi:

• Dlala: Dlala isandi ukususela ekuqaleni.

• Yimise: Misa inkqubo.

• Buyela: Buyela kwinkqubo oye wayimisa.

  Phawula: Isandi osivulileyo simameleka kuphela xa ukwindawo esivulwe kuyo. Xa uphuma kwindawo esivulwe kuyo isandi siyacima.

• Zidlale Zonke Izandi Ezahlukahlukeneyo: Zidlale zonke izandi ezikhoyo, uqala ngeso siboniswe kwindawo esivulwe kuyo.

  Phawula: Aziyi kuphinda ziqalele izandi xa zidlalwe zonke ezo zahlukahlukeneyo.

Ukongeza ekumameleni isandi ngasinye, unokuzimamela zonke izandi ezahlukahlukeneyo. Ukuze wenze oku, sebenzisa enye yezi ndlela:

• Dlala Zonke Izandi Ezahlukahlukeneyo: Xa ukwiphepha leZandi, yiya kule nkqubo ufuna ukuyimamela uze ucofe kuDlala Zonke Izandi Ezahlukahlukeneyo.

• Dlala Zonke: Khetha indawo ethi Dlala Zonke ukuze uzidlale zonke izandi ezahlukahlukeneyo, uqala ngenkqubo yokuqala.

• Dlala noba yeyiphi: Khetha indawo ethi Zingalandelelani kwizandi ezahlukahlukeneyo ukuze uzidlale zonke ngendlela yokuba zingalandelelani.

Phawula: Aziyi kuphinda ziqalele iingoma xa sele igqibile ukuzidlala.

Xa kudlala inkqubo yesandi, unokwenza oko ufuna ukukwenza usebenzisa isixhobo sakho sokudlala iRoku ngale ndlela:

• Simise: Misa isandi esidlalayo. Cofa iqhosha elifanayo ukuze ubuyele kwisandi osimisileyo.

• Sise phambili: Yisa isandi phambili.

• Buyela umva: Buyela kwiindawo ezisemva.

  Icebiso: Bukela indawo ebonisa apho ukhoyo ekumfanekiso ukuze ubone ukuba kumaxa undawoni.

• Umgca Okhomba Ekunene: Dlulela kwenye inkqubo yesandi (okanye ucofe kuShuffle ukuze uye kwenye inkqubo).

• Umgca Okhomba Ekhohlo: Buyela kwinkqubo yesandi osuka kuyo (okanye ucofe kuShuffle ukuze ubuyele kuleyo ibisele idlaliwe).

• Iqhosha Lokubuyela Ekuqaleni: Buyela kwiphepha leZandi.