Aayo. Hiyo ninnimwaamini Yesu, owo olontte dho: “Miyo ka ephiro, ka ekeekhai ni ka okumi. Khuuvo onwerya orowa wa Tiithi, ohikhanle mwa miyo.” (Yohani 14:6) Hiyo ninnaamini wiira Yesu okhumme wiirimu arwaaka valaponi nkhama pinaatamu wiira avahe ekumi iye yoomalela nkhama nkuttho wawoopola. (Matheyo 20:28) Okhwa wawe ni ohihimuwa wawe woohula ephiro wiira atthu ale animwaamini ephwanya ekumi yoohimala. (Yohani 3:16) Nitho hiyo ninnaamini wiira nenna-va, Yesu tonlamulela nkhama Mwene a Omwene wa Muluku wiirimu. Ni ninnaamini wiira naanaano onooruha nrettele elapo yootheene. (Wiisuupulula 11:15) Nitho hiyo, ninnimwaamini Yesu mwaha wa moolumo olontte iye airaka: “Atiithi taalupalexa okivikana miyo.” (Yohani 14:28) Tivondho hiyo khanininkokhorela Yesu ni khaninaamini wiira Yesu Muluku nanwerya dhootheene.