Pamplemosy io karazan̈a tsaoha maventy mamy. Ndray baka amy tany 10 metara ilatsahanizio, izy tsy man̈ino foeky. Ino eky mahavy izio tsy vaky antreky karaha zen̈y?

 Diniha hely baka: Hitany pikaroko aby io fa miran̈a eponzy misy efitrefitry mielan̈elan̈a in̈y faritry fotsifotsy an̈atiny hoditriny pamplemosy. Mahaibebe ndraiky elan̈elan̈elandro efitrefitry io izikoa fa an̈atin̈aty an̈y. Rano na tsiko fo mameno elan̈elan̈a io. Ke izikoa pamplemosy io fa mantreky amy tany, rano an̈atinany ao in̈y manjary malemilemy karaha kidôro in̈y. Ke tsy matriaka foeky hoditrinany fa izio loso mahaimahery fo sady mahatanty raha.

 Mangala tahaka zen̈y siantifiky aby io, ke iro man̈ohatra metaly araiky, atao mitovy firafitry aminy hoditriny pamplemosy io manjary mahadin̈y raha. Iro mieritreritry fa zen̈y mety han̈amboaran̈a kaskiny pitondra môtô, na koa hiarovan̈a tomobily na sambondan̈itry baka tsy ho robaka izikoa fa mikon̈o amy raha.

 Akory hevitrinao? Nivoatra tsihelihely ma hoditriny pamplemosy io, sa izio nisy namoron̈o?