FIANARAN̈A 12
Akory ma Atao Man̈aton̈o Zan̈ahary?
1. Zan̈ahary ma mitandren̈y vavakanolo jiaby?
Zan̈ahary tsy mifidy olo mivavaka aminany. (Salamo 65:2) Ndray izy man̈ano zen̈y, tsy vavakanolo jiaby tandrin̈esany. Karaha ataony lelahy araiky mampijaly vady, vavakanany tsy tandrin̈esany Zan̈ahary. (1 Petera 3:7) Karaha zen̈y koa Israelita aby io, izikoa fa zatra nan̈ano ny ratsy, Zan̈ahary tsy nitandren̈y vavakandro. Izikoa misy olo ratsy fan̈ahy niova, Zan̈ahary mitandren̈y vavakanany. Dikanizen̈y, atsika mila mankasitraka Zan̈ahary tsarabe, fotony atsika ikeny mivavaka aminany.—Vakia Isaia 1:15; 55:7.
Zahava video Zan̈ahary ma Mitandren̈y Vavaka Jiaby Hataonolo?
2. Karakory ma atao mivavaka amy Zan̈ahary io?
Atsika koa fa mivavaka, mila avantan̈a amy Jehovah vavakantsika, fotony izy niasa atsika. (Matio 4:10; 6:9) Vavaka jiaby ataontsika koa mila atao aminy an̈arany Jesosy, fotony baka amy fahotan̈antsika nahafaty izy. (Jaona 14:6) Izikoa atsika mivavaka, tokony raha baka amy fo koran̈intsika aminany fa tsy raha vakin̈a an̈aty boky na vavaka atao tsianjery.—Vakia Matio 6:7; Filipianina 4:6, 7.
Nata atsika tsy mivolan̈a, vavakantsika mbala ren̈iny Jehovah fo. (1 Samoela 1:12, 13) Izy von̈ono hitandren̈y atsika, na matsan̈a na alin̈y. Atsika koa mety mivavaka alohany hihinan̈a na koa fa misy raha manahiran̈a atsika mare.—Vakia Salamo 55:22; Matio 15:36.
3. Nan̈ino ma atsika mila mivory?
Man̈aton̈o Zan̈ahary zen̈y tsy mora, fotony atsika mbala miaraka mipetraka aminolo tsy mino Zan̈ahary. (2 Timoty 3:1, 4; 2 Petera 3:3, 13) Zen̈y mahavy atsika mila mivory, fotony olo hitantsika an̈y mandrisiky atsika han̈ano ny tsara.—Vakia Hebreo 10:24, 25.
Atsika mahay tia Zan̈ahary fo, izikoa atsika miaraka aminolo tia izy. Atsika koa mazoto mandeha mivory miaraka amy Vavolombelon̈o Jehovah, finoan̈antsika hahay fatatra fo.—Vakia Romanina 1:11, 12.
4. Karakory ma atao man̈aton̈o Zan̈ahary?
Mila mianatra Baiboly anao, izikoa tianao han̈aton̈o Zan̈ahary. Aleva onon̈o raha tsara nataony, fan̈anaran̈a amiany ndreky raha tsara mbala hataony. Atsika koa mivavaka ndreky mieritreritry raha tsara ataony Zan̈ahary, ho hitantsika tsarabe fa Zan̈ahary ten̈a tia atsika.—Vakia Josoa 1:8; Salamo 1:1-3.
Anao koa matoky Zan̈ahary ndreky mino izy tsarabe, anaro hanjary pinaman̈a. Finoan̈a io mila karakarain̈y, fotony izio mahay maty. Atsika mila mangala onon̈o raha jiaby efa nianarantsika in̈y, baka finoan̈antsika tsy maty.—Vakia Matio 4:4; Hebreo 11:1, 6.
5. Nan̈ino ma Jehovah tsara atao naman̈a?
Jehovah mikarakara atsika. Izy miaro atsika amy raha mety handrobaka finoan̈antsika, ndreky raha mety tsy hazahoantsika fiain̈ana tsisy farany. (Salamo 91:1, 2, 7-10) Izy mampitandrin̈y atsika amy raha mety handratra na hamono atsika. Jehovah mampianatra raha tokony hatao, baka atsika sambatra.—Vakia Salamo 73:27, 28; Jakoba 4:4, 8.
Mety ho Tianao Koa
RAHA MOMBA ZAHAY
Nan̈ino ma Anao Tokony Hianatra Baiboly?—Video Lava
Baiboly man̈amia valiny fan̈otanian̈a manahiran̈a sain̈inolo maro erantany. Asa tianao koa hahazo valiny fan̈ontanian̈anao?
