OLO FIVADIANY
4: Mahaiza Mamela Heloko
KARAKORY MA ZEN̈Y?
Tsy meloko eky aminolo nan̈ano raha tsy tianao, avio tsy man̈ano ampô. Zen̈y tsy mivolan̈a fa tsara raha nataonolo io na efa karaha tsiary nisy foeky.
TOROHEVITRINY BAIBOLY: “Izikoa misy raha mampameloko ataony naman̈a, samy mahaiza mandefitry ndreky man̈ambela hadisovan̈a fo.”—Kolosianina 3:13.
“Izikoa olo io tianao tsarabe, tsy iasanao loha raha tsy mety ataony. Izy mifen̈y manan̈a toetry tsara fo zahavanao.”—Aaron.
NAN̈INO RAHA ZEN̈Y TEN̈A ILAIN̈A?
Anao koa man̈ano ampô fo, anao mety harary na ho kivy mare. Tsy hialany malomalo koa tokantran̈onaro.
“Tandraraiky vadiko nan̈ano raha tsy tiako mare, avio izy nangataka pardon. Efa tafara be tatỳ zaho vo nahavita namela helokonany. Nanen̈iny zaho tsy direkty namela helokonany. Fa maro raha nirobatiny raha io, kanefa raha mety niarivan̈a fo aby izin̈y.”—Julia.
INO HEVITRY?
MANDINIHA HELY
Andro hafa an̈y, izikoa misy raha tsy tianao nataony vadinao na nivolan̈iny, man̈ontania karaha ty:
‘Zaho ty ma mora meloko?’
‘Mila mifono aminaka ma izy sa izio mety ambela karaha io fo?’
DINIHA MIARAKA AMY VADINAO
Malaky mifamela heloko ma atsika sa miambin̈y elaela?
Ino raha mety hataontsika baka atsika tsy hijijy tamban̈a mifamela heloko?
SOSOKEVITRY
Koa vadinao tafan̈ano raha mampameloko anao, aza mieritreritry fa izy tsy tia anao.
Mifen̈a fo mamela heloko, fotony “atsika jiaby io samy man̈ano hadisovan̈a, ary matetiky koa.”—Jakoba 3:2.
“Izikoa anaro samy diso, mora mamela heloko. Fa izikoa ndraiky araiky fo diso, sarotro man̈ano zen̈y. Mila manetry ten̈a mare anao vo hahavita han̈eky fialantsin̈y ndreky hamela heloko.”—Carole.
TOROHEVITRINY BAIBOLY: “Alamina malaky raha tsy ifan̈arahanaro.”—Matio 5:25.
Anao koa tsy mamela heloko, mety harary anao, avio mety ho kivy mare. Mety tsy hilamin̈y foeky tokantran̈onao
