Tsy marin̈y zen̈y. Vavolombelon̈o Jehovah kristianin̈y, ke raha jiaby inoandro baka amy Baiboly aby. Misy fivavahan̈a mivolan̈a fa iro Jiosy aby a Palestiny aby io man̈atanteraka raha efa nivolan̈iny Soratra Masin̈y zen̈y. Vavolombelon̈o Jehovah tsy mitovy hevitry amy zen̈y, fotony iro mbala tsiary nahita raha momba zen̈y amy Soratra Masin̈y ao. Ndray Soratra Masin̈y tsy man̈iraka atsika han̈ano politiky foeky, ndreky han̈avakavaka olo. Misy gazety naboakany Vavolombelon̈o Jehovah Ny Tilikambo Fiambenana nivolan̈a karaha ty: “Soratra Masin̈y tsy manohan̈a raha ataondro Jiosy man̈ano politiky aby io.”

 Misy boky araiky Rakipahizan̈a Britannica (angiley) mivolan̈a fa tanjon̈ondro panohan̈a Jiosy aby io hanangana ndreky hanohan̈a fanjakan̈a jiosy a Palestiny, ke izio sady ahitan̈a resaka fivavahan̈a, baka io koa misy resaka politiky. Vavolombelon̈o Jehovah tsy man̈ano politiky, baka io tsy mampianatra olo hanohan̈a Jiosy.

 Vavolombelon̈o Jehovah io fikambanan̈a momba fivavahan̈a, fa tsy fikambanan̈a momba politiky. Zen̈y mahavy ireo tsy manohan̈a Jiosy. Vavolombelon̈o Jehovah tsy man̈ano politiky foeky. Zen̈y mahavy Vavolombelon̈o Jehovah maro amy tany sasany gadrain̈y ndreky ampijalin̈y mare, fotony iro tsy man̈ano politiky. Amindro, Fanjakan̈any Zan̈ahary zaraiky fo afaka hampiadan̈a atsika mandrakizay an̈abony tany ty, fa tsy pitondra olombelon̈o na antoko politiky.

 Ndray zen̈y ndraiky, Vavolombelon̈o Jehovah man̈aja lalàn̈any pitondra fanjakan̈a amy tany misy iro. Iro tsy mandrongana fanjakan̈a, baka io iro koa tsy miady.