Yɛɛ berei ku maa-kɔri la zɛŋ-lɛɛi 13 sui, ɣala-mɛni kelee fa Ɣala lii laa. Kɛlɛ, kwa pɔri Kukpɛtɛ Ɣalai fɛlii a bere sii nyii a nii laai. “Ɣala-mɛni” kɛɛ leŋ ɓe a nii laa? (Zĩi 1:​27) Mɛnii kaa Ŋala-kɔlɔi e moi.

1. Le ɓe maa nɛ̃ɛi kuɣala fɛli perei e kɛ a bilaŋɔɔ ma?

Maa nɛ̃ɛi kuɣala fɛli perei e kɛ a bilaŋɔɔ Ŋala-kɔlɔi ma. Zisɛ e mo Ɣala ma nyɛɛi: “I wooi kaa a tɔ̃ya.” (Zɔŋ 17:​17) Ɣala-mɛni su-ɓela taŋa da diŋɛi naɣiŋ dɔ̃yai Ŋala-kɔlɔi sui mɛi. Da dɔ̃yai maa faleŋ a nuu-kpune tare da mɛni pɔlɔ-ŋai di gaa dinua pɔlɔ-ŋai yeei. Dɔ̃yai ɓa, Ziova lii fe laa ni a diai da ‘dipolu tɔɔ Ɣala ŋɔtɔŋ ma.’ (Maki 7:9 lono.) Kɛɛ kwa Ŋala-kɔlɔi maa-kɔri, ku sia a nia-woo-ŋai zui, kwa nii nɛ̃ɛi.

2. Maa nɛ̃ɛi ku Ziova fɛli a pere sii kɛɛ leŋ?

Ziova nɔ ɓe maa nɛ̃ɛi ku vɛli kpɛni fei gaa a Kukpɛtɛ Ɣalai. (Mɛni-lɛɛi 4:​11) Nyiŋi sukulai ɓa maa nɛ̃ɛi ku ŋwɛli, ku nya dɔnɔ fɛli, kufe sɛŋ pɔɔkɔɔŋ kpaa lɛɛ-ɣala ta kelee fɛli.​—Azaya 42:8 lono.

Maa nɛ̃ɛi kuɣala fɛli perei e kɛ a “maa waa nyii a Ɣala lii laa.” (Lomaŋ 12:1) Nyiŋi sukulai ɓa, maa nɛ̃ɛi ku ŋɔtɔŋ-ŋai mɛi kaa. Gɔɔŋ-maa ɓa, diai Ziova wɛli kaa diai, da nia-wooi tua-laa mɛni mai wɛli di sia la. Nyaŋ difa diyee pu tua-pere nyɔŋ-ŋa su yɛɛ, sikalee kpeleɛɛ, taaŋ tɛɛ, sale nyɔmɔɔ kpaa maŋ lɔɔ tamaa kpeleɛɛ. a

3. Le mɛni ɓe maa nɛ̃ɛi ku Ziova fɛli la gie maa a kuɓaraŋ korai-ɓelai?

Goyaŋ-ŋai kwa doo a lɔɔ-kuu kelee, a kpɔŋ maa tɛɛ kupɔ a gɛɛ ku ‘Ziova laa maa tɛ korai-toli-kpɔŋ-ŋa’ su. (Ŋule-wooi 111:​1, 2) Berei sii-ŋai kwa gɛ lai dɔnɔ ɓa laa maa tɛ wule-ŋa toɔɔ Ɣala ma. (Ŋule-wooi 104:​33 lono.) Ziova a ŋwɛlii a gɛɛ kukɛ goyaŋ-ŋai su kpɛni fei, e ku wɛlini nyaŋ e gɔlɔŋ a gɛɛ da pai kpɔnii kua a gɛɛ ku kɛ-ɣeniɛ ŋaa-nɛ̃ɛ kula wɔlɔ-wɔlɔ da wɔlɔ-wɔlɔ. Kwa kukie-ni fɔrɔ goyaŋ-ŋai su.

 MƐNI TAMAA MAA-KƆRI

4. Kufe tii kɛ a ɣala-pɔɔkɔɔŋ-ŋa kuɣala fɛliɛ su

5. Ziova nyaa tɔnɔ fɛliɛ a kuŋuŋ maa ɓo lɛɛ mɛni-ŋa yeei

 6. Kwa Ɣala fɛli goyaŋ-ŋai su korai-toli-kpɔŋ su

Kwa Ziova laa maa tɛ, ku kukie-ni kponoi kpanaŋ a wule toɔɔ da mare-kɛɛ-ŋa sukulaa goyaŋ-ŋai su. Ŋule-wooi 22:​22 lono, gɛ ni ka lono e pilaŋ mare-kɛɛ-ŋai ŋi dia:

• Ya ta wɔlɔ mare-kɛɛ sukula woo-ŋa ŋaa-nɛ̃ɛ kula goyaŋ-ŋai su?

• Ya pai ŋwɛlii I ikpiŋ kpɛtɛ a gɛɛ I mare-kɛɛ ta sukula?

7. Kwa mɛni-ŋai kwa maa-kɔrii lɛ nua dia, a Ziova lii laa

Kwa pɔri dɔ̃yai Ŋala-kɔlɔi sui lɛi nua dia a pere sii tamaa. Ŋule-wooi 9:1 da 34:1 lono, gɛ ni ka lono e pilaŋ mare-kɛɛ ŋi ma:

• Le ɓe yaa maa-kɔri Ŋala-kɔlɔi su nyii ya pai ŋwɛlii I nɛ nuu ta mai?

 MƐNI-ŊUŊ-ŊAI YAA MAA-KƆRII

Kwa Kukpɛtɛ Ɣalai lii laa kwa nya tɔnɔ fɛli, kwa naa maa tɛ goyaŋ-ŋai su korai-toli-kpɔŋ su, ku ŋɔnɔ mɛni-ŋai kwa maa-kɔrii lɛ nua dia.

Gili-too-ŋa mare-kɛɛ-ŋai

• Kwa pɔri berei maa nɛ̃ɛi ku Ɣala fɛli la a tɔ̃ya perei kɔlɔnii leŋ?

• Maa nɛ̃ɛi ku Ziova nya tɔnɔ fɛli le mɛni ma?

• Le mɛni ɓe maa nɛ̃ɛi ku Ɣala fɛli la gie ma a nua nyii-ŋai ŋwɛlii di nĩa-mɛnii kɛi?