Pa Nofemba 30, 2020, luŵala lwa magambo ku Pervomayskiy lwaluli mumsinda wa Omsk lwasasile kuti M’bale Sergey Polyakov ni ŵamkwakwe ŵali Anastasia soni Mlongo Gaukhar Bektemirova ni Mlongo Dinara Dyusekeyeva ali ŵakulemwa.

M’bale Polyakov ŵamlamwile kuti akatame ku ukayidi kwa yaka yitatu. Alongo ŵatatuŵa ŵasalile kuti ali ŵakulemwa soni kuti ngajawula ku ukayidi nambo akasimanikwa ŵakulemwa mkati mwa yaka yiŵili ni hafu. Mwakulimba mtima M’bale Polyakov ŵalusalile luŵala lwa magambo kuti, “Yesu jwaŵechete kala kuti ligongo lyakuti mli ŵakulijiganya ŵangu, ŵandu tamchipeleka kwa ŵakulamula magambo kuti mkapeleche umboni. Mwakamulana ni yajasasile Baibuloyi ŵakulamula magambo akukwanilisya maloŵe gakulochesyaga. Yeleyi yikukamuchisya kuti wosope ŵangakumanyilila yakwamba ulamusi wa Mlungu apikane soni asagule kuŵa kumbali jakwe kapena iyayi.”—Mateyu 10:18.