Masiku agano mafidiyo gakusala ngani syakogoya gakusasimanikwa pa TV, m’mafoni, soni pa kompyuta.

 Mwamti ŵanache akusalolela mafidiyo gelega.

 Ana mpaka ŵakamuchisye chamtuli ŵanache ŵawo kuti akalagaga nganisyo ni nganisi?

•  Ana nganisi mpaka syakwaye chamtuli ŵanache ŵawo?

•  Ana mpaka ŵakamuchisye chamtuli ŵanache ŵawo kuti akalagasikaga nganisyo ni nganisi?

•  Ana mpaka atende yamtuli naga mwanache jwawo alolele yindu yakutesya woga?

•   Ŵanache ŵajinji akusalaga nganisyo papikene ngani syakutesya woga. Ŵanache ŵane akusalagasika nganisyo papikene ngani syakutesya woga, mwamti yikusiyasawusya kusala mwakupikanila. a Yindu mpaka yiyiche pakusawusya naga achinangolo ŵawo ngakwakamuchisya mwachitema.

•   Ngani syakutesya woga mpaka syatendekasye ŵanache kutanda ganisya mwakulemwecheka. Mwachisyasyo, ŵanache ŵane mpaka aganisyeje kuti ngani syasitendekwesyo sichitendekwa mu liŵasa lyawo. Soni ŵanache ŵele akusalolela kapena kupikana nganisyo mwakuwilisyawilisya, mpaka aganisyeje kuti ngani mpela syelesi sikusatendekwa ndaŵi syosope.

•   Ŵanache mpaka alagasicheje nganisyo papikene ngani syakogoya. Jemanjaji nganaŵa amanyilile kuti ŵagulusya ngani akusasaka kuti apateje mbiya yejinji ŵandu pakupikanila ngani syawo. Myoyo mpaka ajitendekasye ngani kuŵa jakogoya kupunda mujaŵelele pakusaka kuti ŵajinji ajilolele.

•   Ŵaŵichileje malile pa ngani syakutesya woga syakusalolela kapena kupikanila. Yeleyi ngayikugopolela kuti ŵanache ŵawo ngakusosekwa kumanyilila yayikutendekwa pachilambopa. Nambo ngakusosekwa kulolelaga kapena kupikanila ngani syampaka syasokonasye nganisyo syasikutendekwa mwakuwilisyawilisya.

   “Ndaŵi sine une ni ŵamkwangu tukusakambilana yejinji yakwayana ni ngani mpela syelesi. Nambo ngatukusamanyilila mwampaka yakwayile ŵanache ŵetu.”—Maria.

   Mfundo ja m’Baibulo: “Kudandawula uli msigo wausito mu mtima mwa mundu.”—Misyungu 12:25, Contemporary English Version.

•   Apikanileje soni kwanga mwakuwusimana mtima. Naga mwanache jwawo yikumsawusya kusala ya ngani jine jwakwe, amsalile kuti agambe kwambula chiwulili cha nganijo. Akambilane ni mwanachejo m’litala lyangasawusya kupikanichisya. Soni akamsalila yosope ya nganijo.

   “Mwanache jwetu akusasangalala mnope ligongo lyakuti tukusampikanila pakuŵecheta. Nambo jwangasangalala patumsalile kuti ‘Mwelemu ni mwayiŵelele yindu apano mkusosekwa kusyoŵelela.’”—Sarahi.

   Mfundo ja m’Baibulo: “Mundu jwalijose akwenela kuŵa jwachitema kupikana, jwakokoŵa kuŵecheta.”—Yakobo 1:19.

•   Amkamuchisyeje mwanache jwawo kujiwona mwakuŵajilwa nganijo. Mwachisyasyo lipoti lyakusala ya kwiŵidwa kwa ŵandu mpaka lilosyeje kuti yili yakogoya mnope nambo yili nganiyiŵa. Myoyo akusosekwa kwasalila ŵanache ŵawo yindu yatesile ni chakulinga chakuti ŵachenjele ŵanachewo. Akusosekwa kukumbuchilasoni kuti ngani syakogoya akusakangala kusilemba m’manyusi ligongo lyakuti syangatendekwatendekwaga.

   “Ŵakamuchisyeje ŵanache ŵawo pakulagasika nganisyo. Ndaŵi syejinji mundu akusalagasika nganisyo ligongo lyakuganisya mnope. Myoyo naga tukwakamuchisya ŵanache ŵetu kuganichisya yindu yambone chachisangalala.”—Lourdes.

   Mfundo ja m’Baibulo: “Mtima wa mundu jwalunda ukusamtendekasya mundujo kuŵecheta maloŵe gakalamuka ni gamakomangale, lundalo lukusakusya machili ga maloŵe gakwego.”—Misyungu 16:23.