Métsoo émi o ké zi’né a nteu akèté jiô ké ku’né seumté nkông-né zi o lé wè anè Joovah. Mè pôngtè lé toung-né nkông-né jiô mèt éfœu’ métseum. (1 Pierre 2:2) O tsia anè lé zi’nè ashoung-nè Ndem, nku’né tshouté nèt mbaatè Yi, mbô a yè wou éshheu lé shi’ ngwè lénang temi.​—Tông-ô Jean 17:3; Jude 21.

O nông ku’nè zhè Ndem, aveung-è nteu jou a zeung nku’né nteuté. Aveung-è nteu kuitè wou a lé gheuè lékông Ndem. (Hébreux 11:1, 6) A tshounè wou lé meuk mbing ngwa’ méfaa mou, é zeung kuitè wou lé koupné ntsi lénang jou tè jheuè apè.​—Tông-ô Actes 3:19.

O zhè ajouô mbông, nkông-ô lé shoung émô’ épouô​—mpè métseum kông-ô lé tsui ménkeu mbông. O nông ku’nè zi’nè Biible, a kuitè wou lé kè’té shoung-ô aveung-è nteu jou anè Joovah, é zeung tsui ménkeu mbông émi é si a mbou épouô.​—Tông-ô Romains 10:13-15.

Épouô té nzaané zii lé pheu nkeu mbông a mbou méssoo pôp mbô a mbou épouô atseung-è nguia zôp. Zhè ntsi lé lôk shoung-nè mbou épouô. A tchi’è yi o leuè mbou pôp nguè tchôssi wôp ayi tépông, o shoung-ô wôp ménda’né Ndem. Zeung-è nkimté nguè atshuè mbông zi o wè, a pfeung nteu ntôk méshoung-né.​—Tông-ô 2 Timothée 2:24, 25.

Lé zi’nè ashoung-nè Ndem ghô kuitè wou a lé kwhiè anè éshheu ajwakné. A zeung gheu tè léssoo tchou pô Joovah é teutè mbông-ô. O ghô ping nkouèt-nèt anè Yi, té ntchi’è gning-è atseung-è nguia yi.​—Tông-ô 2 Corinthiens 6:18.

O ku’nè nzi’né ashoung-nè Ndem mbô o ghô kwhiè anè éshheu jwakné. (Hébreux 5:13, 14) Zètè a mbou ta’ njheuè-njiô Joovah nguè a kuitè wou lé zi’nè Biible pô akèté Que nous enseigne la Bible? O ku’nè nzi’né ashoung-nè Ndem mbô lénang tchou ku’né pông, o ping ngô mé lékak.​—Tông-ô Psaume 1:1-3; 73:27, 28.

Ménkeu mbông é pou fhô mbou Joovah, Ndem lékak. Pè ghô tshouté nèt mbaatè yi, tè ndôk ntshouté nèt mbaaté méghang-afa’ pi. (Hébreux 10:24, 25) O ku’nè nfôk mbœu’ ndôk ngheuè lékông yi, mbô o wè kwa’ ntsi lénang mbông​—lénang temi. Lé tshouté nèt mbaatè Ndem, a si ngô kwa’ mbông ajoumi o ghô gheu.​—Tông-ô 1 Timothée 1:11; 6:19.