Sáàmù 140:1-13
Fún olùdarí. Orin Dáfídì.
140 Jèhófà, gbà mí lọ́wọ́ àwọn aṣebi;Dáàbò bò mí lọ́wọ́ àwọn oníwà ipá,+
2 Àwọn tó ń gbèrò ibi nínú ọkàn wọn,+Tí wọ́n sì ń dá ìjà sílẹ̀ látàárọ̀ ṣúlẹ̀.
3 Wọ́n pọ́n ahọ́n wọn bíi ti ejò;+Oró paramọ́lẹ̀ wà lábẹ́ ètè wọn.+ (Sélà)
4 Jèhófà, dáàbò bò mí lọ́wọ́ ẹni burúkú;+Máa ṣọ́ mi lọ́wọ́ àwọn oníwà ipá,Àwọn tó ń gbèrò láti mú kí n yọ̀ ṣubú.
5 Àwọn agbéraga dẹ pańpẹ́ pa mọ́ dè mí;Wọ́n fi okùn ta àwọ̀n sẹ́gbẹ̀ẹ́ ọ̀nà.+
Wọ́n dẹkùn fún mi.+ (Sélà)
6 Mo sọ fún Jèhófà pé: “Ìwọ ni Ọlọ́run mi.
Jèhófà, jọ̀wọ́ gbọ́ ẹ̀bẹ̀ mi fún ìrànlọ́wọ́.”+
7 Jèhófà Olúwa Ọba Aláṣẹ, Olùgbàlà mi tó lágbára,O dáàbò bo orí mi ní ọjọ́ ogun.+
8 Jèhófà, má ṣe fún àwọn ẹni burúkú ní ohun tí ọkàn wọn fẹ́.
Má ṣe jẹ́ kí ohun tí wọ́n gbèrò bọ́ sí i, kí wọ́n má bàa gbé ara wọn ga.+ (Sélà)
9 Kí ọ̀rọ̀ ibi tí àwọn tó yí mi ká ń fẹnu wọn sọ+Dà lé wọn lórí.
10 Kí òjò ẹyin iná rọ̀ lé wọn lórí.+
Ká jù wọ́n sínú iná,Sínú àwọn kòtò jíjìn,*+ kí wọ́n má ṣe gbérí mọ́.
11 Kí àwọn abanijẹ́ má ṣe ríbi gbé nínú ayé.*+
Kí ibi máa lépa àwọn oníwà ipá, kó sì mú wọn balẹ̀.
12 Mo mọ̀ pé Jèhófà máa gbèjà àwọn aláìníÁ sì ṣèdájọ́ òdodo fún àwọn tálákà.+
13 Ó dájú pé àwọn olódodo yóò máa fi ọpẹ́ fún orúkọ rẹ;Àwọn adúróṣinṣin yóò máa gbé níwájú* rẹ.+
