Sáàmù 21:1-13
Sí olùdarí. Orin Dáfídì.
21 Jèhófà, inú agbára rẹ ni ọba ti ń yọ̀;+Wo bí ó ṣe ń yọ̀ gidigidi nínú àwọn iṣẹ́ ìgbàlà rẹ!+
2 O ti fún un ní ohun tí ọkàn rẹ̀ fẹ́,+Ìwọ kò sì fi ohun tó béèrè dù ú. (Sélà)
3 Nítorí pé o fi ọ̀pọ̀ ìbùkún pàdé rẹ̀;O fi adé wúrà tó dáa* dé e ní orí.+
4 Ó béèrè ẹ̀mí lọ́wọ́ rẹ, o sì fún un,+Ẹ̀mí gígùn,* títí láé àti láéláé.
5 Àwọn iṣẹ́ ìgbàlà rẹ fún un ní ògo ńlá.+
O fi iyì àti ọlá jíǹkí rẹ̀.
6 O sọ ọ́ di ẹni ìbùkún títí láé;+O mú kí ó máa yọ̀ ṣẹ̀ṣẹ̀ nítorí o* wà pẹ̀lú rẹ̀.+
7 Ọba gbẹ́kẹ̀ lé Jèhófà;+Nítorí ìfẹ́ tí kì í yẹ̀ tí Ẹni Gíga Jù Lọ ní, mìmì kan ò ní mì í* láé.+
8 Ọwọ́ rẹ á tẹ gbogbo àwọn ọ̀tá rẹ;Ọwọ́ ọ̀tún rẹ á tẹ àwọn tó kórìíra rẹ.
9 Wàá ṣe wọ́n bí ohun tí a jù sínú iná ìléru ní àkókò tí o yàn láti fiyè sí wọn.
Jèhófà máa gbé wọn mì nínú ìbínú rẹ̀, iná á sì jó wọn run.+
10 Wàá pa àtọmọdọ́mọ* wọn run kúrò ní ayé,Àti ọmọ wọn kúrò láàárín àwọn ọmọ èèyàn.
11 Wọ́n fẹ́ ṣe ohun tí kò dáa sí ọ;+Wọ́n ti gbèrò ibi, àmọ́ kò ní ṣẹ.+
12 Wàá mú kí wọ́n sá pa dà+Nígbà tí o bá dojú ọfà* rẹ kọ wọ́n.*
13 Dìde nínú agbára rẹ, Jèhófà.
A ó fi orin yin* agbára ńlá rẹ.
Àlàyé Ìsàlẹ̀ Ìwé
^ Tàbí “tí a yọ́ mọ́.”
^ Ní Héb., “Ọjọ́ gígùn.”
^ Ní Héb., “ojú rẹ.”
^ Tàbí “kò ní ta gọ̀ọ́gọ̀ọ́ (gbọ̀n-ọ́n gbọ̀n-ọ́n).”
^ Ní Héb., “èso.”
^ Ní Héb., “okùn ọrun.”
^ Ní Héb., “ojú wọn.”
^ Ní Héb., “kọrin, a ó sì lo ohun ìkọrin fún.”
