Sáàmù 53:1-6
Sí olùdarí; lọ́nà ti Máhálátì.* Másíkílì.* Ti Dáfídì.
53 Òmùgọ̀* sọ lọ́kàn rẹ̀ pé:
“Kò sí Jèhófà.”+
Ìwà àìtọ́ wọn burú, ó sì jẹ́ ohun ìríra;Kò sí ẹni tó ń ṣe rere.+
2 Àmọ́ Ọlọ́run ń bojú wo àwọn ọmọ èèyàn láti ọ̀run+Láti rí i bóyá ẹnì kan wà tó ní ìjìnlẹ̀ òye, bóyá ẹnì kan wà tó ń wá Jèhófà.+
3 Gbogbo wọn ti kúrò lójú ọ̀nà;Gbogbo wọn jẹ́ oníwà ìbàjẹ́.
Kò sí ẹni tó ń ṣe rere,Kò tiẹ̀ sí ẹyọ kan.+
4 Ṣé kò yé ìkankan lára àwọn oníwà burúkú ni?
Wọ́n ń ya àwọn èèyàn mi jẹ bí ẹni ń jẹ búrẹ́dì.
Wọn ò ké pe Jèhófà.+
5 Àmọ́, jìnnìjìnnì á bò wọ́n,Irú èyí tí kò ṣẹlẹ̀ sí wọn rí,*Ọlọ́run yóò tú egungun àwọn tó ń gbéjà kò ọ́* ká.
Wàá dójú tì wọ́n, nítorí Jèhófà ti kọ̀ wọ́n sílẹ̀.
6 Ká ní ìgbàlà Ísírẹ́lì lè wá láti Síónì ni!+
Nígbà tí Jèhófà bá kó àwọn èèyàn rẹ̀ tó wà lóko ẹrú pa dà,Kí inú Jékọ́bù dùn, kí Ísírẹ́lì sì yọ̀.
Àlàyé Ìsàlẹ̀ Ìwé
^ Wo Àlàyé Ọ̀rọ̀.
^ Wo Àlàyé Ọ̀rọ̀.
^ Tàbí “Òpònú.”
^ Tàbí kó jẹ́, “Ẹ̀rù á bà wọ́n níbi tí kò sí ohun tó ń bani lẹ́rù.”
^ Ní Héb., “tó dó tì ọ́.”
