Bó o ṣe lè jàǹfààní púpọ̀ látinú ẹ̀kọ́ Bíbélì
Jẹ́ kí ẹnì kan kọ́ ẹ: Sọ fún Ẹlẹ́rìí Jèhófà tó fún ẹ ní ìwé yìí pé kó máa kọ́ ẹ lẹ́kọ̀ọ́ Bíbélì, tàbí kó o béèrè fún ẹ̀kọ́ Bíbélì lórí ìkànnì wa, jw.org.
APÁ ÀKỌ́KỌ́
Ka ìpínrọ̀ kọ̀ọ̀kan, títí kan àwọn ìbéèrè tá a fi àwọ̀ tó yàtọ̀ kọ (A) àti àwọn ẹsẹ Bíbélì (B) tó gbé àwọn kókó pàtàkì inú ọ̀rọ̀ yọ. Kíyè sí i pé o tún máa ka àwọn ẹsẹ Bíbélì kan tá a kọ “ka” sí.
ÀÁRÍN
Ọ̀rọ̀ àkọ́kọ́ (D) lábẹ́ Kẹ́kọ̀ọ́ Jinlẹ̀ jẹ́ àlàyé nípa ohun tó kàn. Àwọn ìsọ̀rí ọ̀rọ̀ (E) sọ ohun tá a máa jíròrò. Ka àwọn ẹsẹ Bíbélì, dáhùn àwọn ìbéèrè, kó o sì wo àwọn fídíò tó wà níbẹ̀ (Ẹ).
Fara balẹ̀ wo àwọn àwòrán, ka àlàyé wọn (F), kó o sì ronú nípa bó o ṣe máa dáhùn àwọn ìbéèrè tó wà lábẹ́ Àwọn Kan Sọ Pé (G).
APÁ TÓ GBẸ̀YÌN
Kókó Pàtàkì àti Kí Lo Rí Kọ́? (GB) la fi parí ẹ̀kọ́ kọ̀ọ̀kan. Kọ déètì tẹ́ ẹ parí ẹ̀kọ́ kọ̀ọ̀kan. Ohun Tó Yẹ Kó O Ṣe (H) sọ àwọn ohun tó o máa ṣe fúnra rẹ. Ṣèwádìí (I) jẹ́ àfikún ìsọfúnni tó o lè kà tàbí tó o lè wò.
Bó o ṣe lè rí àwọn ẹsẹ Bíbélì
Orúkọ ìwé Bíbélì ló máa ń ṣáájú (A), orí ìwé á tẹ̀ lé e (B), lẹ́yìn náà ẹsẹ tàbí àwọn ẹsẹ (D). Bí àpẹẹrẹ, Jòhánù 17:3 tọ́ka sí ìwé Jòhánù, orí 17, ẹsẹ 3.
O Tún Lè Wo
ÌBÉÈRÈ TÁWỌN ÈÈYÀN MÁA Ń BÉÈRÈ
Kí Ni Ìkẹ́kọ̀ọ́ Bíbélì Táwọn Ẹlẹ́rìí Jèhófà Máa Ń Kọ́ Àwọn Èèyàn?
Ìtumọ̀ Bíbélì èyíkéyìí tó bá wù ẹ́ lo lè lò láti fi kẹ́kọ̀ọ́ Bíbélì pẹ̀lú àwa Ẹlẹ́rìí Jèhófà. O sì lè pe gbogbo ìdílé ẹ tàbí kó o pe àwọn ọ̀rẹ́ ẹ wá síbi ìkẹ́kọ̀ọ́ náà.
