Àwòrán Àwọn Ilẹ̀ Inú Bíbélì
Nínú ìwé Wo “Ilẹ̀ Dáradára” Náà, wàá rí àwòrán àwọn ilẹ̀ inú Bíbélì tá a ṣàlàyé lọ́nà tó kún rẹ́rẹ́. O sì lè lò ó tó o bá ń kẹ́kọ̀ọ́ Bíbélì. Ọ̀pọ̀ ilẹ̀ àti ìlú ni Bíbélì mẹ́nu kan. Torí náà, ìwé yìí á jẹ́ kó o túbọ̀ gbádùn Bíbélì kíkà rẹ. Bí àpẹẹrẹ, ìwé Wo “Ilẹ̀ Dáradára” Náà máa jẹ́ kó o lè fojú inú wo ibi táwọn ìṣẹ̀lẹ̀ kan ti wáyé nínú Bíbélì. Á sì tún jẹ́ kó o lóye ìdí táwọn ohun kan fi ṣẹlẹ̀ láwọn ibi tí Bíbélì mẹ́nu kàn.
Onírúurú àtẹ àti àwòrán ilẹ̀ tó rí mèremère ló wà nínú ìwé Wo “Ilẹ̀ Dáradára.” Yàtọ̀ síyẹn, onírúurú àwọn àwòrán míì, títí kan àwọn èyí tá a fi kọ̀ǹpútà yà ló wà nínú ẹ̀, àwọn nǹkan yìí sì máa jẹ́ ká túbọ̀ gbádùn Bíbélì kíkà.
Àwòrán ilẹ̀ inú Bíbélì yìí máa jẹ́
kó o lóye ìrìn àjò Ábúráhámù, Ísákì àti Jékọ́bù
kó o rí ibi táwọn ọmọ Ísírẹ́lì gbà láti Íjíbítì títí dé Ilẹ̀ Ìlérí
kó o rí báwọn ọ̀tá ṣe yí orílẹ̀-èdè Ísírẹ́lì ká
kó o rí àwọn ibi tí Jésù wàásù dé nígbà tó wà láyé
kó o rí ibi táwọn ìjọba alágbára kan nasẹ̀ dé, irú bí ìjọba Bábílónì, Gírí ìsì àti Róòmù
Wàá rí ìwé yìí lọ́fẹ̀ẹ́ lórí ÀKÁ ÌWÉ ORÍ ÍŃTÁNẸ́Ẹ̀TÌ ti Watchtower.
O Tún Lè Wo
OHUN TÁ A FI Ń KẸ́KỌ̀Ọ́ BÍBÉLÌ
Ẹsẹ Bíbélì fún Ọjọ́ Kọ̀ọ̀kan
Ṣíṣàyẹ̀wò Ìwé Mímọ́ Lójoojúmọ́ máa ń ní ẹsẹ Bíbélì kan pàtó fún ọjọ́ kọ̀ọ̀kan àti àlàyé ṣókí nípa ẹsẹ Bíbélì náà.
OHUN TÁ A FI Ń KẸ́KỌ̀Ọ́ BÍBÉLÌ
Ìwé Tó Ṣàlàyé Àwọn Ọ̀rọ̀ Inú Bíbélì
Ìwé Insight on the Scriptures ṣàlàyé àwọn ọ̀rọ̀ tó wà nínú Bíbélì. Ó sọ nípa àwọn èèyàn, ìlú, ẹranko, ìṣẹ̀lẹ̀ pàtàkì àtàwọn ọ̀rọ̀ míì nínú Bíbélì. Nínú ẹ̀dà tó ṣe é wà jáde, wàá rí àwòrán ilẹ̀, fọ́tò, àpèjúwe títí kan ojú ìwé téèyàn ti lé rí àlàyé nípa ọ̀rọ̀ tàbí ẹsẹ Bíbélì kan.
OHUN TÁ A FI Ń KẸ́KỌ̀Ọ́ BÍBÉLÌ
Ohun Tó Wà Nínú Bíbélì
Ìwé Kí Ló Wà Nínú Bíbélì? ṣe àkópọ̀ ohun tó wà nínú Bíbélì ká lè túbọ̀ lóye ohun tó dá lé.