AUGUST 30, 2019
ERITREA
ÀKÀNṢE ÌRÒYÌN: Wọ́n Ń Ṣenúnibíni Sáwọn Ẹlẹ́rìí Jèhófà Lórílẹ̀-Èdè Eritrea
Ọ́fíìsì Agbéròyìnjáde tó jẹ́ ẹ̀ka tó ń rí sí bá a ṣe ń fi ìsọfúnni ránṣẹ́ àti bá a ṣe ń fèròwérò pẹ̀lú àwọn òṣìṣẹ́ ìjọba ló gbé àkànṣe ìròyìn yìí jáde lóṣù August 2019. Ìròyìn náà dá lórí bí ìjọba orílẹ̀-èdè Eritrea ṣe ń ṣenúnibíni sáwọn Ẹlẹ́rìí Jèhófà.
Ní August 2019, Ẹlẹ́rìí Jèhófà méjìléláàádọ́ta (52) ló wà lẹ́wọ̀n lórílẹ̀-èdè Eritrea. Ìwé yìí á jẹ́ kó o mọ ìsọfúnni ṣókí nípa ọ̀kọ̀ọ̀kan àwọn Ẹlẹ́rìí náà.
Ní April 28, 2018, àjọ African Commission on Human and Peoples’ Rights (ACHPR) ṣàyẹ̀wò bí ìjọba orílẹ̀-èdè Eritrea ṣe ń fìyà jẹ àwọn Ẹlẹ́rìí Jèhófà tó wà lórílẹ̀-èdè náà. Ìwé tó wà nísàlẹ̀ yìí ṣàkópọ̀ ibi tí àjọ náà fẹnu kò sí lẹ́yìn àyẹ̀wò tí wọ́n ṣe lórí ohun tí ìjọba orílẹ̀-èdè yẹn ń ṣe sáwọn Ẹlẹ́rìí Jèhófà. October 24 2018 sí November 13, 2018 ni wọ́n ṣe ìpàdé tí wọ́n ti fẹnu kò lórí ọ̀rọ̀ náà.
O Tún Lè Wo
ÌRÒYÌN
Wọ́n Fi Wọ́n Sẹ́wọ̀n Torí Ohun Tí Wọ́n Gbà Gbọ́—Eritrea
Wọ́n ń fi àwọn Ẹlẹ́rìí Jèhófà sẹ́wọ̀n ní Eritrea torí ohun tí wọ́n gbà gbọ́. O lè mọ púpọ̀ sí i nípa àwọn tó wà lẹ́wọ̀n, a tún ní ibi tá a kọ orúkọ àwọn Ẹlẹ́rìí Jèhófà tó wà ní ẹ̀wọ̀n sí.
ÌRÒYÌN
Ẹlẹ́rìí Jèhófà Méjì Tó Ti Dàgbà Kú Sẹ́wọ̀n ní Eritrea
Habtemichael Tesfamariam àti Habtemichael Mekonen kú sí Ọgbà Ẹ̀wọ̀n Mai Serwa níbẹ̀rẹ̀ ọdún 2018. Wọ́n fi àwọn méjèèjì sẹ́wọ̀n láìtọ́ torí ohun tí wọ́n gbà gbọ́, wọ́n fojú wọn gbolẹ̀ gan-an lọ́gbà ẹ̀wọ̀n, wọ́n sì hùwà ìkà sí wọn. Wọ́n fẹ́rẹ̀ẹ́ lò tó ọdún mẹ́wàá níbẹ̀.
ÌRÒYÌN
Ìgbà Àkọ́kọ́ Rèé tí Ìyà Tó Ń Jẹ Àwọn Ẹlẹ́rìí Jèhófà ní Eritrea Máa Dé Etí Iléeṣẹ́ Ìjọba Àpapọ̀ Lágbàáyé
Àjọ Tó Ń Ṣèwádìí Lórí Ọ̀rọ̀ Ẹ̀tọ́ Ọmọnìyàn ní Eritrea sọ pé “ìwà ìkà gbáà” ni kéèyàn máa “fúngun mọ́ àwọn èèyàn lórí ọ̀rọ̀ ẹ̀sìn àti àṣà ìbílẹ̀.”
