UMBUESÁ 09

Oração umukirimbá ne amizade Deus irum

UYUPIRŨ

Resasáwana será yepé iwasuwaá rupí reprecisariwaá conselho u ajuda? Reputari será rekuá xinga vida resé? Reprecisari será ta umusurí arama indé? Reputari será reyusaã piri Jeová ruakí? Repurandú ramé Jeová irum uajudari retana. Mayé yarikuté yaorari? Será Deus usendú pañhe oraçãoitá? Maã repoderi remuñhã Deus usendú arama ne oração? Yasú yamaã.

1. Awá irum yarikuté yapurandú, asuí marã?

Jesus umbué yarikuté yapurandú añhũ yané Paya iwaka pura irum. Jesus umuñhã kuera kuayé. Aé umbeu: “Ape kurí pepurandú Deus irum kuayé ambeuwaá yawé: ‘Indé yané Paya iwaka kití . . .’” (Mateu 6:9) Yaorari ramé Jeová supé, yamukirimbá yané amizade irum.

Yapoderi yapurandú irum pañhe maã resé. Ma Deus ti usendú yepé oração usuwaá ivontade ruaxá. “Yapurandú ramé maãntu irum kuayé uputariwaá yawé, usendú kurí yandé arama.” (1 João 5:14) Jesus umbeu maã resé yapoderi yapurandú. (Releri Mateu 6:9-13.) Yapoderi yapurandú Deus irum yané rupí. Ma yaprecisari yuíri yapurandú irum amuitá rupí asuí yamukuekatú ixupé maã rupí umuñhãwaá yané rupí.

2. Mayé yarikuté yapurandú Deus irum?

Yaprecisari yapurandú Deus irum yané piá suí. Yawewaá resewara Bíblia umundú yandé ‘yakuntari arama yané piá suí Deus supé’. (Salmo 62:8) Yapoderi yapurandú tiapú u yamanduáriwaá upé, mairamentu asuí mamentu. Yapoderi yayawika yapurandú arama Deus irum, yawapika ramé u yapuãmu ramé. Importante yarespeitari Jeová.

3. Mayé Deus usuaxara yapurandú ramé irum?

Amuramé usuaxara Bíblia rupí. Ape yawasemu siya maã yaputariwaá yakuá. Uleri ramé Deus Ñheenga upoderi ‘umuñhã ukuá pañhe maã resé awá tiwaá ukuá’. (Salmo 19:7; releri Tiago 1:5.) Jeová upoderi uajudari ti arama yayuka yané piá yasasá ramé iwasuwaá rupí. Aé upoderi usari imiraitá ta uajudari arama yandé yaprecisari ramé.

REYUMBUÉ PIRI ARAMA

Remaã maã reprecisari remuñhã Deus usendú arama repurandú ramé irum ne piá suí. Remaã yuíri mayé oração upoderi uajudari indé.

4. Maã yaprecisari yamuñhã Deus usendú arama yapurandú ramé irum?

Maã importante Deus usendú arama yandé yapurandú ramé irum? Pemaã kuá VÍDEO.

VÍDEO: Será Deus usendú pañhe oraçãoitá?— Yepé parte (2:42)

Jeová uputari yapurandú arama irum. Peleri Salmo 65:2. Ariré pekuntari kuá resé:

Indé arama, será Deus uputari indé repurandú arama irum? Marã remanduári kuayé?

Deus usendú arama yapurandú ramé irum, yarikuté yaviveri mayé Aé uputariwaá. Peleri Miqueias 3:4 asuí 1 Pedro 3:12. Ariré pekuntari kuá resé:

Mayé yapoderi yakuá Deus usú usendú yapurandú ramé irum?

Yepé guerra upé, mukũi bando suraraitá ta upurandú Deus ajuda ta uyuká arama ta ruayanaitá. Indé arama, será Deus usú usendú aintá?

5. Yarikuté yapurandú Deus irum yané piá suí

Será Deus uputari yayumbué añhũ yepé maã yarikuwanawaá yané akanga upé? Peleri Mateu 6:7. Ariré pekuntari kuá resé:

Maã repoderi remuñhã ti arama repurandúwara reikú añhũ yepé maã resé reorari ramé?

Puranga remanduári ramé muíri ara yepé maã purangawaá resé Jeová umuñhãwaá ne rupí asuí remukuekatú ixupé. Remuñhã ramé kuayé muíri ara, resú remukuekatú siya maã resé amurupí repurandú ramé.

Yepé paya ugustari mairamé itaíra ukuntari irum ipiá suí. Yaweté Jeová. Aé ugustari yapurandú ramé irum yané piá suí.

6. Oração aé yepé maã purangawaá Deus umeẽwaá

Mayé oração upoderi umukirimbá yandé yasasá ramé iwasuwaá rupí? Pemaã kuá VÍDEO.

VÍDEO: Oração uajudari yasasá ramé iwasuwaá rupí (1:32)

Bíblia umbeu oração upoderi uajudari yaikú arama ne maã resé. Peleri Filipowaraitá 4:6, 7. Ariré pekuntari kuá resé:

Amuramé repurandú ramé Deus irum ti usú umukañhemu ne problema. Yawewaá suité, marã oração upoderi uajudari indé?
Maã resé reputari repurandú Deus irum?

Rekuáwana kuá resé?

Kuá ñheenga “amém” usignificari “yawé kurí”. Kuxiíma suíwara ta usari kuá ñheenga ta umbawa ramé ta oração.— 1 Crônicas 16:36.

7. Reyuka tempo repurandú arama Deus irum

Amuramé yayupreocupari resewara siya maã resé yané resarái yapurandú Deus irum. Será oração importante Jesus supé? Peleri Mateu 14:23 asuí Marko 1:35. Ariré pekuntari kuá resé: