1 Juan 1:1-10
1 Táan k-tsʼíib tiʼ teʼex yoʼolal u tʼaanil le kuxtaloʼ, lelaʼ letiʼe baʼax yaan desde tu káajbaloʼ, le baʼax tsʼoʼok k-uʼuyikoʼ, le baʼax tsʼoʼok k-ilik yéetel k-ichoʼ, le baʼax tsʼoʼok k-paktikoʼ, le baʼax tsʼoʼok k-machik yéetel k-kʼaboʼ.+
2 (U jaajileʼ le kuxtal minaʼan u xuuloʼ tsʼoʼok u yeʼesaʼaltoʼon, tsʼoʼok k-ilik,+ le oʼolal táan k-tsikbaltikteʼex. Le kuxtal minaʼan u xuuloʼ+ ku taal tiʼ le Taataoʼ yéetel tsʼoʼok u yeʼesaʼaltoʼon).
3 Le baʼax tsʼoʼok k-ilik yéetel tsʼoʼok k-uʼuyikoʼ letiʼe baʼax táan k-tsʼáaik a wojéelteʼexoʼ,+ utiaʼal beyoʼ ka a bisabaʼex t-éetel. Bey túunoʼ ka k-múul bisbaʼex yéetel le Taataoʼ bey xan yéetel Jesucristo u Paal.+
4 Táan k-tsʼíibtikteʼex le baʼaloʼobaʼ utiaʼal ka chúukpajak le kiʼimak óolal yaantoʼoneʼexoʼ.
5 Lelaʼ letiʼe baʼax t-uʼuyaj u yaʼalik Cristo yéetel táan k-tsʼáaik a wojéelteʼexaʼ: Dioseʼ sáasil,+ yéetel tu yiknaleʼ minaʼan mix junpʼíit éeʼjochʼeʼenil.
6 Wa k-aʼalik: «Táan k-bisikba tu yéetel», chéen baʼaleʼ láayliʼ táan k-máan ich éeʼjochʼeʼenileʼ, chéen táan k-tuus yéetel maʼ táan k-kuxtal jeʼex u kaʼansik le jaajoʼ.+
7 Chéen baʼaleʼ wa táan k-máan ich sáasil jeʼex Dios kuxaʼan ich sáasileʼ u kʼáat u yaʼaleʼ jach tu jaajil táan k-múul bisikbaʼex. Tsʼoʼoleʼ u kʼiʼikʼel Jesús, le u Paal Diosoʼ, táan u pʼoʼik tuláakal k-kʼeban.+
8 Wa k-aʼalik: «Minaʼan k-kʼeban», chéen t-juunal táan k-tusikba+ yéetel minaʼantoʼon u jaajil.
9 Wa k-aʼalik baʼax kʼaas k-beetmeʼ Dioseʼ jeʼel u perdonarkoʼoneʼ yéetel jeʼel u pʼoʼik tuláakal k-kʼasaʼanileʼ, tumen letiʼeʼ chúukaʼan u yóol tiʼ máak yéetel toj baʼax ku beetik.+
10 Wa k-aʼalik: «Maʼ kʼebanchajaʼanoʼoniʼ», táan k-taasik Dios bey juntúul máax ku tuuseʼ, yéetel minaʼan u tʼaan ichil k-puksiʼikʼal.
