Isaías 51:1-23
51 «Teʼex táan a bineʼex tu paach le justiciayéetel táan a kaxtikeʼex Jéeobaoʼ, uʼuyeneʼexiʼ.
Ilawileʼex le tuunich tuʼux póolaʼabeʼexoʼbey xan le lugar tuʼux ku chʼaʼakal tuunichoʼ, le tuʼux jóoʼsaʼabeʼexoʼ.
2 Ilawileʼex Abrahán, a taataʼexbey xan Sara,+ le máax síijseʼexoʼ.
Le ka tin tʼanaj Abraháneʼ chéen tu juunal yaan,+chéen baʼaleʼ tin bendecirteʼ ka tin beetaj u yaʼabtal.+
3 Jéeobaeʼ yaan u kiʼimakkúuntik u yóol Sión,+letiʼeʼ yaan u jel líiʼsik* u jutul pakʼiloʼob,+u tikin luʼumileʼ yaan u beetik u pʼáatal jeʼex u jardínil Edéneʼ+yéetel u desiertoileʼ yaan u beetik u pʼáatal jeʼex u jardín Jéeobaeʼ.+
Teʼ lugar túunoʼ yaan u yantal kiʼimak óolaliʼ, yaan u sen antal kiʼimak óolaliʼ,yaan u tsʼaʼabal graciasiʼ yéetel yaan u yuʼubaʼal u yúuchul kʼaayiʼ.+
4 In kaajal, chʼenxikinteneʼexiʼ,in luʼumil, uʼuy baʼax ken in waʼale.+
Tumen teneʼ yaan in beetik u yantal junpʼéel ley,+yéetel in justiciaeʼ yaan in beetik u pʼáatal bey junpʼéel sáasil utiaʼal le kaajoʼoboʼ.+
5 In justiciaeʼ táan u náatsʼal.+
In salvacióneʼ táan u taal,+yéetel le páajtalil yaantenoʼ yaan in juzgartik le kaajoʼoboʼ.+
Le islaʼoboʼ yaan u kʼubik u yóoloʼob tiʼ teen,+yaan u páaʼtkoʼob baʼax ken in beet yéetel in poder.*
6 Líiʼs a wicheʼex teʼ kaʼanoʼ,pakteʼex le luʼum yaan kabaloʼ,le kaʼanoʼ yaan u xíibil jeʼex u xíibil buutsʼeʼ.
Le luʼumoʼ yaan u xuʼupul jeʼex u xuʼupul junpʼéel nookʼeʼ,yéetel u kajnáaliloʼobeʼ yaan u kíimloʼob jeʼex u kíimil kʼoxoleʼ.*
Chéen baʼaleʼ in salvacióneʼ utiaʼal mantatsʼ+yéetel in justiciaeʼ mix bikʼin u xuʼulsaʼaltiʼ.+
7 Chʼenxikinteneʼexiʼ, teʼex a kʼaj óoleʼex le justiciaoʼ,teʼex le kaaj tiaʼan in ley* ichil a puksiʼikʼaleʼexoʼ.+
Maʼ a sajaktaleʼex tiʼ le baʼaloʼob kʼaastak ku yaʼalik le máakoʼoboʼyéetel maʼ a kikilankileʼex yoʼolal le poochʼiloʼob ku beetkoʼoboʼ.
8 Tumen yaan u jaantaʼaloʼob tumen kʼamas jeʼex u jaantaʼal junpʼéel nookʼeʼ,kʼamas kun jaantikoʼob jeʼex u jaantaʼal nookʼ de lanaeʼ.+
Chéen baʼaleʼ in justiciaeʼ yaan u pʼáatal utiaʼal mantatsʼyéetel in salvacióneʼ utiaʼal tuláakal generaciónoʼob».+
9 ¡Líiʼs a kʼab Jéeoba!+
¡Líiʼs a kʼab utiaʼal a weʼesik a páajtalil!
Beet jeʼex ta beetil úuchjeakiloʼ, jeʼex ta beetil tiʼ le generaciónoʼob tsʼoʼok u máanoʼ.
¿Maʼ wa teech xeʼexetʼ yéetel táatsʼmáans Raab,*+le nuxiʼ baʼalcheʼ yaan teʼ kʼáaʼnáaboʼ?+
10 ¿Maʼ wa teech tikinkúunt le kʼáaʼnáaboʼ, le yaʼabkach jaʼ yaan teʼ tuʼux jach taamoʼ?+
¿Maʼ wa teech sut bejil u taamil le kʼáaʼnáab utiaʼal u kʼáatmáan le máaxoʼob ta kaʼa manoʼ?+
11 Le máaxoʼob salvartaʼaboʼob tumen Jéeobaoʼ yaan u suutoʼob.+
Táan u yawatoʼob le kéen taalakoʼob Sión,+le kiʼimak óolal minaʼan xuʼulultiʼoʼ yaan u pʼáatal bey u coronaʼobeʼ.*+
Yaan u kiʼimaktal u yóoloʼob, yaan u sen kiʼimaktal u yóoloʼob,le muʼyaj yéetel le yaj óolaloʼ púutsʼul ken u beetoʼob.+
12 «Teen le Máax líiʼsik a wóoleʼexoʼ.+
¿Baʼaxten ka sajaktal tiʼ juntúul máak yaan u kʼuchul u kʼiinil u kíimil+yéetel tiʼ juntúul máak yaan u tijil jeʼex u tijil yaʼax suʼukeʼ?
13 ¿Baʼaxten ka tuʼubsik Jéeoba, le Máax Beetmilech,+le Máax jaymil le kaʼanoʼ+ yéetel le Máax tsʼáa u cimientoil le luʼumoʼ?
Techeʼ bul kʼiin kaʼach saajkech tiʼ u pʼujaʼanil le máax taak u beetiktech looboʼ,*hasta bey jach tu jaajil jeʼel u páajtal u xuʼulsiktecheʼ.
¿Tuʼux tsʼoʼok u pʼujaʼanil le máax taak u beetiktech looboʼ?
14 Le máax móochkʼaxtaʼan yéetel cadenaoʼ jach maʼ kun xáantaleʼ yaan u jáalkʼabtaʼal.+
Maʼ kun kíimil, maʼ kun bin ichil le jooloʼmix ken u binelt baʼal u jaante.
15 Teneʼ Jéeobaen, teen a Dios,teen woʼoltik le kʼáaʼnáaboʼ yéetel teen beetik u juum u olasil.+
In kʼaabaʼeʼ Jéeoba, le máax gobernartik le ángeloʼoboʼ.+
16 Teneʼ yaan in tsʼáaik in tʼaanoʼob ta chiʼ,yéetel yaan in pixkech yéetel u boʼoy in kʼab,+bey túunoʼ yaan in wetsʼkúuntik le kaʼanoʼ yéetel yaan in tsʼáaik u cimientoil le luʼumoʼ,+le kéen tsʼoʼokkeʼ yaan in waʼalik tiʼ Sión: ‹In kaajalech›.+
17 ¡Aajkech! ¡Aajkech! Líiʼkech Jerusalén,+techeʼ tsʼoʼok a wukʼik le copa yaan tu kʼab Jéeoba chuup yéetel u pʼujaʼaniloʼ.
Tsʼoʼok a wukʼik le baʼax yaan teʼ copaoʼ.
Tsʼoʼok a tsʼiʼtik le copa beetik a takchalankiloʼ.+
18 Mix juntúul tiʼ le paalal tu síijsaj tiaʼan tu yiknal utiaʼal nuʼuktikoʼ,yéetel maʼ maʼach u kʼab tumen mix juntúul tiʼ le paalal tu tséentoʼ.
19 Yaan kaʼapʼéel baʼal tsʼoʼok u yúuchultech.
¿Máax ken u chʼaʼtech óotsilil?
¡Yaan a xuʼulsaʼal yéetel yaan u pʼáatal mix baʼal yaantech! ¡Yaan u taal wiʼijil yéetel espada ta wóokʼol!+
¿Máax kun kiʼimakkúuntik a wóol?+
20 A paalaleʼ tsʼoʼok u desmayaroʼob.+
Tiʼ pekekbaloʼob tiʼ cada esquinaeʼ,beyoʼob baʼalcheʼob tsʼoʼok u lúubloʼob tiʼ junpʼéel trampaeʼ.
Tsʼoʼok u yuʼubikoʼob bukaʼaj yajil u pʼuʼujul Jéeoba, tsʼoʼok u yuʼubikoʼob bix u kʼeeyaj a Dios».
21 Koʼolel, uʼuy a wuʼuy lelaʼ,techeʼ táan a muʼyaj yéetel kalaʼanech kex maʼ a wukʼ vinoiʼ.
22 Lelaʼ letiʼe baʼax ku yaʼalik Jéeoba, a Yuumtsiloʼ, le Dios ku defendertik u kaajaloʼ:
«¡Ilawile! Yaan in luʼsik ta kʼab le copa beetik a takchalankiloʼ,+le copa, le copa chuup yéetel in pʼujaʼaniloʼ.
Mix bikʼin a kaʼa ukʼik le baʼax yaan teʼ copaoʼ.+
23 Le copa túunoʼ yaan in tsʼáaik tu kʼab le máaxoʼob beetik a muʼyajoʼ,+tu kʼab le máaxoʼob aʼaltech: ‹¡Noklakech utiaʼal k-xíimbal ta wóokʼol!›,teech túuneʼ ta beetaj u pʼáatal a puʼuch bey jeʼex le luʼum tuʼux ku máan máakoʼ,a puʼucheʼ pʼáat bey junpʼéel bej utiaʼal u xíimbaloʼobeʼ».
Notas
^ Ich hebreoeʼ ku yaʼalaʼal kaʼach «u kiʼimakkúuntik u yóol».
^ Wa «kʼab».
^ Wa «jejeneseʼ».
^ Wa «kaʼansaj».
^ Maʼ xaaneʼ táan u tʼaan tiʼ u kaajil Egipto.
^ Ich hebreoeʼ ku yaʼalaʼal kaʼach «yaan u yantal yóokʼol u pooloʼob».
^ Wa «le máax baʼpachtikech kaʼachoʼ».
