Isaías 9:1-21
9 Chéen baʼaleʼ le éeʼjochʼeʼeniloʼ maʼ bey jeʼex le ilaʼab le ka yanchaj yaayaj kʼiinoʼob teʼ luʼumoʼ, maʼ jeʼex le kʼiinoʼob ka mixbaʼalkúuntaʼab u luʼumil Zabulón yéetel u luʼumil Neftalíoʼ.+ Chéen baʼaleʼ kéen máanak kʼiineʼ Dioseʼ yaan u beetik u nojbaʼalkúuntaʼal... le bej yaan tu jáal le kʼáaʼnáaboʼ, le luʼum yaan naatsʼ tiʼ le Jordánoʼ, Galilea le tuʼux kajaʼan le j-táanxel luʼumiloʼoboʼ.
2 Le kaaj ku máan kaʼach ich éeʼjochʼeʼeniloʼtsʼoʼok u yilik junpʼéel nojoch sáasil.
Le máaxoʼob kajaʼanoʼob teʼ luʼum tuʼux jach éeʼjochʼeʼenoʼ,tsʼoʼok u juul le sáasil tu yóokʼoloʼoboʼ.+
3 Tsʼoʼok a beetik u nojochtal le kaajoʼ.
Tsʼoʼok a beetik u sen kiʼimaktal u yóol.
Kiʼimak u yóol ta táanjeʼex kiʼimakil u yóol le máakoʼob táan u cosecharoʼoboʼ,jeʼex kiʼimakil u yóol le máakoʼob táan u tʼoxkoʼob le baʼaxoʼob ku chʼaʼikoʼob tiʼ junpʼéel baʼateloʼ.
4 Tumen tsʼoʼok a kaʼakachik u cheʼil u kuuchoʼob,le cheʼ ku tsʼaʼabal yóokʼol u hombroʼoboʼ, tsʼoʼok a kaʼakachik le cheʼ u machmaj le máaxoʼob obligarkoʼob meyajoʼ,jeʼex ta beetil tu kʼiiniloʼob Madiáneʼ.+
5 Tuláakal u xanabil baʼateʼel ku beetik u tíitkuba le luʼumyéetel tuláakal nookʼ papaʼkil yéetel kʼiʼikʼeʼyaan u tóokaʼaloʼob tumen kʼáakʼ.
6 Tumen tsʼoʼok u síijiltoʼon juntúul chan paal,+tsʼoʼok u tsʼaʼabaltoʼon juntúul chan xiʼipal.
Le gobernaciónoʼ yaan u pʼaʼatal tu kʼab.+
Yaan u yaʼalaʼaltiʼ, jach Maʼalob Consejero,+ Dios yaan u poder,+ Taatatsil utiaʼal kʼiinoʼob minaʼan u xuul, u Príncipeil Jeetsʼelil.
7 Mantatsʼ kun bin u maas yaʼabtal tuʼux ku gobernaryéetel mantatsʼ ken u beet u yantal jeetsʼelil.+
Letiʼeʼ yaan u kutal tu trono David+ yéetel yaan u tsʼaʼabaltiʼ u reino,yaan u beetik u pʼáatal jeetsʼel le reinooʼ+ bey xan u chʼaʼik u muukʼtu yoʼolal le justiciaoʼ+ yéetel tu yoʼolal baʼax toj,+bey ken u beetil desde teʼ kʼiinoʼobaʼ tak kʼiinoʼob minaʼan u xuul.
Jéeoba, le máax gobernartik le ángeloʼoboʼ, yaan u beetik tumen jach ku tsʼíiboltik u beetik.
8 Jéeobaeʼ tu yaʼalaj junpʼéel tʼaan tu contra Jacob,le baʼax tu yaʼaloʼ tsʼoʼok u taal tu contra Israel.+
9 Lelaʼ yaan u yojéeltaʼal tumen tuláakal le kaajoʼ,yaan u yojéeltaʼal tumen Efraín yéetel tumen u kajnáaliloʼob Samaria.
Letiʼobeʼ tumen kaʼanal u yichoʼob yéetel tumen chich u puksiʼikʼaloʼobeʼ ku yaʼalikoʼob:
10 «Tsʼoʼok u níikil le pakʼoʼoboʼ,chéen baʼaleʼ yaan k-jel beetik yéetel póolbil tuunich.+
Tsʼoʼok u chʼaʼakal u cheʼiloʼob sicómoro,chéen baʼaleʼ beoraaʼ yaan u meyajtoʼon u cheʼiloʼob cedro».
11 Jéeobaeʼ yaan u beetik u líikʼil u enemigoʼob Rezín tu contra letiʼ,yéetel yaan u péeksik u enemigoʼob utiaʼal u baʼateloʼob tu contra.
12 Siriaeʼ yaan u taal desde lakʼin, le filisteoʼoboʼ desde chikʼin.*+
Letiʼobeʼ yaan u japik u chiʼob utiaʼal u jaantikoʼob Israel.+
Yoʼolal le baʼaxoʼob ku beetkoʼoboʼ Dioseʼ maʼ xuʼuluk u pʼujaʼaniliʼ,láayliʼ u líiʼsmaj u kʼab utiaʼal u castigarkoʼobeʼ.+
13 Tumen le kaajoʼ maʼ suunak yiknal le Máax castigarkoʼ,maʼ u tsʼáauba u kaxt Jéeobaiʼ.*+
14 Tiʼ junpʼéeliliʼ kʼiineʼ+ Jéeobaeʼ yaan u luʼsik pool yéetel nej,yaan u xotik chuun yéetel kʼuʼukʼ* tiʼ Israel.
15 Le pooloʼ letiʼe máax ku beetik u nojchiloʼ bey xan le máax ku respetartaʼaloʼ,le nejoʼ letiʼe profeta ku tsʼáaik junpʼéel maʼ maʼalob nuʼuktajoʼ.+
16 Le máaxoʼob nuʼuktik le kaajaʼ táan u beetkoʼob u saʼatal bej tiʼ le kaajaʼ,le máaxoʼob ku nuʼuktaʼaloʼoboʼ maʼ tu kaxtik baʼax u beetoʼob.
17 Le oʼolal Jéeobaeʼ maʼ kun kiʼimaktal u yóol yoʼolal le táankelmoʼoboʼ,yéetel maʼ ken u chʼaʼ óotsilil tiʼ le paalaloʼob minaʼan u papáʼoboʼ mix tiʼ le viudaʼoboʼ,tumen tuláakloʼobeʼ tsʼoʼok u pʼatkoʼob Dios yéetel kʼasaʼan máakoʼob,+yéetel tuláakloʼob ku tʼaanoʼob chéen minaʼan u cuentail.
Yoʼolal le baʼaxoʼob ku beetkoʼoboʼ Dioseʼ maʼ xuʼuluk u pʼujaʼaniliʼ,láayliʼ u líiʼsmaj u kʼab utiaʼal u castigarkoʼobeʼ.+
18 Tumen le kʼasaʼaniloʼ bey junpʼéel kʼáakʼku tóokik kʼiʼixoʼob yéetel kʼaakʼas xíiwoʼobeʼ.
Yaan u tóokik le kʼáaxoʼyéetel yaan u kúulul u buutsʼil.
19 Tu yoʼolal u pʼujaʼanil Jéeobaeʼ,*tsʼoʼok u tʼaʼabal le luʼumoʼ,le kaajoʼ yaan u tóokaʼal tumen kʼáakʼ.
Le máakoʼoboʼ maʼ ken u chʼaʼob óotsilil mix tak tiʼ u sukuʼunoʼob.
20 Juntúul máakeʼ yaan u xotik le bakʼ yaan tu x-noʼoj kʼab utiaʼal u jaantoʼ,chéen baʼaleʼ maʼ kun xuʼulul u wiʼijil.
Juntúul máak xaneʼ yaan u jaantik le bakʼ yaan tu x-tsʼíik kʼaboʼ,chéen baʼaleʼ maʼ kun naʼajtal.
Cada juntúuleʼ yaan u jaantik u bakʼel u kʼab.
21 Manaséseʼ yaan u jaantik Efraín,Efraíneʼ yaan u jaantik Manasés.
Yaan u múul líikʼloʼob tu contra Judá.+
Yoʼolal le baʼaxoʼob ku beetkoʼoboʼ Dioseʼ maʼ xuʼuluk u pʼujaʼaniliʼ,láayliʼ u líiʼsmaj u kʼab utiaʼal u castigarkoʼobeʼ.+
Notas
^ Wa «oeste».
^ Wa «Jéeoba, le máax gobernartik le ángeloʼoboʼ».
^ Uláakʼ bix u traducirtaʼaleʼ «u leʼ palmera yéetel caña».
^ Wa «Jéeoba, le máax gobernartik le ángeloʼoboʼ».
