Salmos 61:1-8
-
Dioseʼ bey junpʼéel torreeʼ
-
‹Yaan in wantal ta wotoch› (4)
-
Utiaʼal máax ku nuʼuktaj: u paaxileʼ unaj u beetaʼal yéetel u nuʼukuliloʼob paax yaan u cuerdailoʼob. Le kʼaayaʼ David tsʼíibte.
61 In Dios, uʼuy bix in kʼáatiktech áantaj.
Chʼenxikint in oración.+
2 Kéen in wuʼuy yaachajaʼan u yóol in puksiʼikʼaleʼ,+kex tu xuul yóokʼol kaab yaneneʼ yaan in orar tiʼ teech.
Chʼúuyen utiaʼal a tsʼáaiken tu yóokʼol junpʼéel tuunich maas kaʼanal yanil tiʼ teen.+
3 Teech kanáantken.
Beyech junpʼéel torre tuʼux kin taʼakikinba tiʼ le máax pʼekmilenoʼ.+
4 Yaan in pʼáatal ta wotoch utiaʼal mantatsʼ.+
Yaan in jupkinba tu yáanal a xiikʼoʼob utiaʼal a kanáantken.+ (Séla)
5 In Dios, techeʼ ta wuʼuyaj baʼax tin prometertaj in beetik.
Le oʼolal ta tsʼáajten le herencia ku tsʼaʼabal tiʼ le máaxoʼob respetartik a kʼaabaʼoʼ.+
6 Yaan a beetik u maas yaʼabtal u kʼiiniloʼob u kuxtal le reyoʼ,+le oʼolal yaʼab años kun kuxtal.
7 Letiʼeʼ mantatsʼ kun antal ta táan.+
Kanáante, eʼes a nojoch yaabilaj tiʼ yéetel eʼes chúukaʼan a wóol tiʼ.+
8 Beyoʼ mantatsʼ kin kʼaay* utiaʼal in alabartik a kʼaabaʼ,+sáamsamal ken in beet le baʼax in prometermajtechoʼ.+
Notas
^ Wa «kin paax».
