Salmos 66:1-20
Utiaʼal máax ku nuʼuktaj. Junpʼéel kʼaay.
66 U kajnáalileʼex yóokʼol kaab, awatnakeʼex yéetel kiʼimak óolal utiaʼal alabarkeʼex Dios.+
2 Kʼaayneneʼex* utiaʼal a alabarkeʼex u kiʼichkelem kʼaabaʼ.
Kʼayeʼex kiʼichkelem alabanzaʼob tiʼ letiʼ.+
3 Aʼaleʼex tiʼ Dios: «¡Le baʼaxoʼob ka beetkoʼ ku beetik u jaʼakʼal u yóol máak!+
Techeʼ jach táaj nojoch a poder,a enemigoʼobeʼ yaan u chintaloʼob ta táan tumen jach saajkoʼob.+
4 Tuláakal máak kun chintal ta táan,+yaan u kʼaayoʼob utiaʼal u alabarkechoʼob,yaan u kʼaayoʼob utiaʼal u alabarkoʼob a kʼaabaʼ».+ (Séla)
5 Koʼoteneʼex a wileʼex baʼax ku beetik Dios.
Le baʼaxoʼob ku beetik yoʼolal u kaajaloʼ ku beetik u jaʼakʼal u yóol máak.+
6 Tu tikinkúuntaj le kʼáaʼnáaboʼ,+u kaajaleʼ xíimbalil úuchik u kʼáatmáan tiʼ junpʼéel río.+
Jach kiʼimakchaj k-óol yoʼolal le baʼaxoʼob tu beetoʼ.+
7 Letiʼeʼ jach yaan u poder, maʼ kun xuʼulul u gobernar.+
Ku jach ilik baʼax ku beetik tuláakal le kaajoʼoboʼ.+
Le oʼolaleʼ maʼ unaj u nojbaʼalkúuntkuba le máaxoʼob tercoʼoboʼ.+ (Séla)
8 Kaajeʼex, alabarteʼex Dios,+uʼuyaʼak táan a alabarkeʼex.
9 Letiʼ kanáantik k-kuxtal.+
Maʼ tu chaʼik u jakchajal k-ook.+
10 In Dios, ta xakʼaltaj k-puksiʼikʼal.+
Ta finokíintoʼon jeʼex u finokíintaʼal plataeʼ.
11 Ta beetaj k-lúubul tiʼ junpʼéel trampa.
Ta tsʼáaj junpʼéel baʼal jach aal t-óokʼol.
12 Ta chaʼaj k-xanaʼchaʼataʼal.
Máanoʼon ich kʼáakʼ bey xan ich jaʼ,ka tsʼoʼokeʼ ta bisoʼon tiʼ junpʼéel maʼalob lugar.
13 Kéen xiʼiken ta wotocheʼ yaan in kʼubiktech tóokbil ofrendaʼob.+
Yaan in beetik le baʼax tin prometertoʼ,+
14 yaan in beetik le baʼax jóokʼ tin chiʼoʼ,+le baʼax tin prometertaj teʼ súutukil táan in muʼyajoʼ.
15 Yaan in kʼubiktech tóokbil baʼalcheʼob, baʼalcheʼob polokkíintaʼanoʼob.
Yaan in kʼubiktech tamanoʼob bey tóokbil ofrendaeʼ.
Yaan in kʼubiktech wakaxoʼob yéetel chivoʼob. (Séla)
16 Teʼex ka respetarkeʼex Dioseʼ,koʼoteneʼex ka a wuʼuyeʼex baʼax tsʼoʼok u beetik tin woʼolal.+
17 Yéetel in chiʼeʼ tin kʼáataj áantaj tiʼ,yéetel in waakʼeʼ tin alabartaj.
18 Wa yaan kaʼach baʼax maʼ maʼalob tin puksiʼikʼaleʼ,Jéeobaeʼ maʼ ken u chʼenxikinten kaʼachi.+
19 Pero tu chʼenxikinten,+tu yuʼubaj in oración.+
20 Alabartaʼak Dios tumen tu yuʼubaj in oración,tu yeʼesajten u nojoch yaabilaj.
Notas
^ Wa «Paaxneneʼex».
