Salmos 86:1-17
Junpʼéel oración tu beetaj David.
86 Jéeoba Dios, chʼenxikinteniʼ,* núuk in oracióniʼ,tumen jach óotsilen, táan in muʼyaj.+
2 Kanáant in kuxtaliʼ, teneʼ chúukaʼan in wóol in meyajtech.+
Salvarteniʼ tumen tiʼ teech kin confiar,teech in Dios.+
3 Jéeoba Dios, eʼesten a wutsil,+bul kʼiin táan in kʼáatiktech áantaj.+
4 Jéeoba Dios, beet u kiʼimaktal in wóoliʼ,kiʼimakkúunt in wóoliʼ tumen kin natsʼkinba ta wiknal.
5 Jéeoba Dios, techeʼ jach ka weʼesik a wutsil,+ listoech utiaʼal perdonar.+
Jach a yaabiltmaj tuláakal le máaxoʼob meyajtikechoʼ.+
6 Jéeoba Dios, uʼuy in oración.
Chʼenxikinteniʼ tumen táan in kʼáatiktech áantaj.+
7 Tiʼ teech kin kʼáatik áantaj tu kʼiinil táan in muʼyaj+tumen in wojel yaan a núukik in oración.+
8 Jéeoba Dios, minaʼan uláakʼ dios jeʼex techeʼ,+mix máak jeʼel u igualartik le baʼaxoʼob a beetmoʼ.+
9 Jéeoba Dios, tuláakal le kaajoʼob a beetmoʼyaan u taaloʼob utiaʼal u chintaloʼob ta táan.+
Letiʼobeʼ yaan u alabarkoʼob a kʼaabaʼ.+
10 Tumen techeʼ jach yaan a poder, ka beetik nukuch baʼaloʼob,+chéen teech Diosech, minaʼan uláakʼ.+
11 Jéeoba Dios, kaʼansten baʼax bejil unaj in bisik.+
Beyoʼ yaan in xíimbal teʼ maʼalob bejoʼ.+
Tsʼáaten junpʼéel puksiʼikʼal* ka u respetart a kʼaabaʼ.+
12 Yuum Jéeoba, in Dios, kin alabarkech yéetel tuláakal in puksiʼikʼal,+mantatsʼ ken in alabart a kʼaabaʼ.
13 Tumen jach táaj a yaabiltmeneʼtsʼoʼok a salvarken utiaʼal maʼ in bin tu maas taamil le Muknaloʼ.*+
14 In Dios, le kʼasaʼan máakoʼoboʼ táan u líikʼloʼob tin contra.+
Yaan kʼasaʼan máakoʼob taak u xuʼulskoʼob tiʼ in kuxtal.
Letiʼobeʼ maʼ u yaabiltmechoʼobiʼ.+
15 Pero techeʼ Jéeoba Dios, jach ka weʼesik a wutsil, ka chʼaʼik óotsilil,maʼatech a jáan pʼuʼujul, nojoch a yaabilaj yéetel chúukaʼan a wóol.+
16 Sut a paakat tin tojil yéetel eʼesten a wutsil.+
Tsʼáaten muukʼ yéetel salvarteniʼ,+tumen kin meyajtikech jeʼex tu beetil in maamaeʼ.
17 Beet u yilik le máaxoʼob pʼekmilen bukaʼaj utsilech tin wéeteloʼ,beet u pʼáatloʼob ich suʼtsilil.
Jéeoba Dios, teech áantken, teech líiʼsik in wóol.
Notas
^ Wa «chinaba utiaʼal a wuʼuyiken».
^ Wa «Tsʼáaten junpʼéel puksiʼikʼal maʼ jatspajaʼaniʼ utiaʼal».
^ Ilawil página 2572.
