Kʼaay 153
¿Bix a wuʼuykaba ken tʼaanakech tiʼ Dios?
-
Ken predicarnakech
yéetel chúukaʼan óolaleʼ,
¿bix a wuʼuykaba le ken
a kaxt le máax utsoʼ?
Yéetel u yáantaj Dios
ken a beet le meyajoʼ.
Letiʼeʼ jach yojel tubeel
tuʼux yaan le máax utsoʼ.
(CORO)
Kiʼimak in wóol tumen teneʼ
kin meyajtik in Dios Jéeoba.
In kʼáat in beet baʼax uts tu tʼaan
tuláakal in kuxtal.
-
Ken predicarnakech
tiʼ máax bey chan tamaneʼ,
¿bix a wuʼuykaba le ken
a wil u kʼáat kuxtal?
Mu tuʼubultech xaneʼ
yaan yantal máax pʼektikech.
Kex beyoʼ maʼ sajaktal,
bis u tʼaan Yuum Jéeoba.
(CORO)
Kiʼimak in wóol tumen teneʼ
kin meyajtik in Dios Jéeoba.
In kʼáat in beet baʼax uts tu tʼaan
tuláakal in kuxtal.
-
Ken predicarnakech
yéetu yáantaj Yuumtsileʼ,
¿bix a wuʼuykaba le ken
a bis u kʼaabaʼ Dios?
Kaʼans yéetel yaabilaj
baʼax u yaʼalmajtech Jéeoba.
Naatsʼ yanil le xuʼulsajoʼ,
tsʼáa wóol teʼ meyajoʼ.
(CORO)
Kiʼimak in wóol tumen teneʼ
kin meyajtik in Dios Jéeoba.
In kʼáat in beet baʼax uts tu tʼaan
tuláakal in kuxtal.
(Ilaʼak xan Bax. 13:48; 1 Tes. 2:4; 1 Tim. 1:11.)
