Consejoʼob jeʼel u yáantik tuláakal máakeʼ
RANIEʼ * KU YAʼALIK: «Jach kin tristetal kéen in wil le baʼaloʼob kʼaastak ku yúuchloʼ. Yaʼab máax ku sufrir tu yoʼolal le guerraoʼ, le óotsililoʼ, le kʼojaʼaniloʼoboʼ yéetel yaʼab mejen paalal ku maltratartaʼal. Pero in wojel yaan u kʼuchul u kʼiinil u yutstal tuláakal le baʼaloʼob kʼaastakoʼ».
Ranieʼ jach kiʼimakchaj u yóol le ka tu yojéeltaj chéen u jaajil Dios jeʼel u yáantik máak utiaʼal u yantal kiʼimak óolal tiʼeʼ. Le kéen a xok le revistaaʼ yaan a tsʼáaik cuenta bix u yáantkech Dios utiaʼal:
U yantal kiʼimak óolal ichil a familia.
A biskaba maʼalob yéetel u maasil.
U kiʼimaktal a wóol kex chéen junpʼíit baʼaloʼob yaantech.
A naʼatik baʼaxten ku sufrir máak yéetel ku kíimil.
A kanik yaan u kʼuchul u kʼiinil u yutstal le baʼaloʼob ku yúuchloʼ.
A kʼaj óoltik yéetel a biskaba tu yéetel.
Tsʼoʼoleʼ yaan a kanik xaneʼ Dioseʼ u kʼáat ka yanak kiʼimak óolal tiʼ tuláakal máak.
^ xóot’ol 2 Kʼexaʼan le kʼaabaʼoboʼ.
