Wa ka maas kʼaj óoltik Dioseʼ yaan a wilik bey a amigoeʼ
Kex Dios jach táaj yaan u podereʼ jatsʼuts xan u modos. Como u kʼáat ka k-kʼaj óolteʼ yaʼab baʼaloʼob tsʼoʼok u yaʼaliktoʼon tu yoʼolal (Juan 17:3; Santiago 4:8).
Dioseʼ yaan u kʼaabaʼ
«Ka u yojéelt le máakoʼoboʼ a kʼaabaʼeʼ Jéeoba, chéen teech le Maas Nojoch Dios yaan tu yóokʼol tuláakal le luʼumaʼ» (SALMO 83:18).
Le Bibliaoʼ ku kaʼansikeʼ Jéeoba u jaajil Dios yéetel letiʼ beet tuláakal le baʼaxoʼob yaan teʼ kaʼanoʼ, teʼ Luʼumaʼ yéetel letiʼ beet xan u yantal kuxtal. Le oʼolal chéen letiʼ ku náajaltik ka adorartaʼak (Apocalipsis 4:11).
Jéeobaeʼ juntúul Dios ku yeʼesik yaabilaj
«Dioseʼ yaabilaj» (1 JUAN 4:8).
Jéeobaeʼ u tsʼaamajtoʼon le Biblia utiaʼal k-kʼaj óoltikoʼ, pero jeʼel xan u páajtal k-kʼaj óoltik tu yoʼolal le baʼaxoʼob u beetmoʼ. Tiʼ tuláakal le jatsʼuts modos yaantiʼoʼ le baʼax maas ku yeʼesikoʼ letiʼe yaabilajoʼ. Bey u yeʼesik yoʼolal tuláakal le baʼaxoʼob ku beetkoʼ. Jeʼex u bin a kʼaj óoltik le jatsʼuts modos yaan tiʼ Jéeobaoʼ bey xan ken a maas yaabilte.
Jéeobaeʼ ku perdonar
«Techeʼ juntúul Diosech listoech utiaʼal perdonar» (NEHEMÍAS 9:17).
Jéeobaeʼ u yojel kʼebanoʼon, le oʼolal le kéen k-beet baʼax maʼ maʼalobeʼ ku perdonarkoʼon. Wa k-kʼáatik tiʼ Jéeoba ka u perdonartoʼon yéetel k-kanáantik maʼ k-kaʼa beetik baʼax kʼaaseʼ letiʼeʼ ku perdonarkoʼon. Tsʼoʼoleʼ maʼatech u castigartik máak yoʼolal le baʼaloʼob maʼ maʼalobtak u beetmoʼ (Salmo 103:12, 13).
Jéeobaeʼ u kʼáat ka orarnakoʼon tiʼ letiʼ
«Jéeobaeʼ tiaʼan naatsʼ tiʼ tuláakal le máax chʼaʼchiʼitik u kʼaabaʼoʼ, [...] ku salvarkoʼob le kéen u yuʼub táan u kʼáatkoʼob áantaj» (SALMO 145:18, 19).
Jéeobaeʼ maʼ maʼalob u yilik ka meyajnaktoʼon imagenoʼob wa uláakʼ baʼaloʼob utiaʼal k-adorarkiʼ. Jeʼex juntúul taatatsil u yaabiltmaj u paalal ku chʼenxikintik baʼax ku yaʼalaʼaltiʼeʼ Jéeoba xaneʼ ku chʼenxikintik le oraciónoʼob k-beetiktiʼoʼ.
Maʼ xaaneʼ jeʼel u yutstal xan ta wicheʼ
BAʼALOʼOB KU NÚUKAʼAL TEʼ BIBLIAOʼ
¿Máax Jéeoba?
¿U Dios wa chéen junjaats máakoʼob jeʼex le israelitaʼoboʼ?
