Biblia rusiidiʼ qué gapa Dios donda pur cayuni sufrir binni. Cadi nga nga ni gudixhe íquebe para binni. Peru, ¿xiñee runi sufrir binni yaʼ? Pur ca primé bixhózenu, Adán ne Eva, biyúbicabe gúnicabe ni nácabe jma galán para laacabe, bidxiidéchecabe Dios ni bizáʼ laacabe ne pur ngue gucanácabe.

 Tiempu riʼ cayuni sufrirnu pur ca decisión ni cadi jneza gucuaa Adán ne Eva. Qué gapa Dios donda pur cayuni sufrir binni.

 Ne lu Biblia ná: «Ora cadiʼdiʼ tuuxa lu ti prueba, cadi guiníʼ: “Cutiidiʼ Dios naa lu prueba”. Purtiʼ qué zanda gutiidiʼ binni Dios lu prueba né cosa malu, ne qué rutiidiʼ Dios binni lu prueba» (Santiago 1:13). Nga runi, guiráʼ binni cayuni sufrir, dede né ca binni ni runi ni ná Dios.