Ora nuu stale guendanagana, nuu binni maʼ qué rizaalaʼdxiʼ ximodo nuu familia stiʼ.

• Rixeleʼ binni de familia stiʼ.

• Nabé ridinde diidxaʼ ca guendaxheelaʼ ca.

• Qué rizaalaʼdxiʼ binni pa nuu xi riguu xizaa ca xiiñiʼ.

• Ora nápaluʼ guendanagana, zanda gacané ca xhamíguluʼ lii purtiʼ zaguucabe gana lii ti guni sentirluʼ galán ne cadi tan gaca estresarluʼ.

• Pa nabé napa familia stiluʼ estrés zanda gapa guendanagana.

• Zanda guchibi noticia ca xiiñiluʼ.

Biblia ná: «Ni dxandíʼ xhamígunu la? guiráʼ ora nadxii laanu, ne zácabe bíchinu ora nápanu xiixa guendananá» (Proverbios 17:17).

Guniʼné ti binni ni zanda guiene lii ne ni zanda gudii conseju galán lii. Ora gánnaluʼ nuu ti binni ni nadxii lii racané ni ne rudii ni stipa lii para gudxiiluluʼ ca guendanagana ridxaagaluluʼ lu xquendanabániluʼ.