Xpinni Cristu laadu. Cani chiguieteʼ raríʼ zusihuinni zacá ni:

•   Rúnidu stipa pur gúnidu casi biʼniʼ Jesucristu ne rinándadu cani bisiidibe lu xquendanabánidu (1 Pedro 2:21).

•   Runi credu risaca ni biʼniʼ Jesús para ganda guiladu ne «iruti ru stobi ndaani guidxilayú ni huaguixhe Dios ulá binni, sínuque laasi be» (Hechos 4:12).

•   Ora rácadu testigu stiʼ Jehová, riúʼnisanu lu lá Jesús (Mateo 28:18, 19).

•   Runi orardu lu lá Jesús (Juan 15:16).

•   Runi credu Jesús nga xaíque stiʼ guiráʼ hombre (1 Corintios 11:3).

 Peru nuu caadxi cosa ni rusihuinni maʼ gadxé laadu de xcaadxi grupu ni riníʼ xpinni Cristu laacaʼ. Tobi de ca cosa ni maʼ biénedu rusiidiʼ Biblia nga naca Jesús Xiiñiʼ Dios ne cadi nuube lu ti Trinidad (Marcos 12:29). Laaca qué runi credu pa nuu ti alma ni qué rati nin ca qué runi credu pa runi castigar Dios binni ndaaniʼ ti infiernu ne laca qué runi credu pa caquiiñeʼ gapa ca xaíque yuʼduʼ ti título ni gusisaca laacaʼ (Eclesiastés 9:5; Ezequiel 18:4; Mateo 23:8-10).